Почнете да правите разлика помеѓу “здрава” храна и органска здрава храна

- Што значи “органска здрава храна”?

by Петар Попоски

Тренд во светот, не само кај нас, е да се внимава на физичкиот изглед, на здравјето и начинот на исхрана. Поттикнати од секојдневието, од овој динамичен начин на живот, многумина се одлучуваат слободното време да го поминат на велосипед, рекреирајќи се во природа или затворен простор, посетувајќи некој од фитнес центрите и.т.н.

Некои ова го прават од желбата навистина да ја обноват енергијата во организмот, но многумина се со притаена желба за совршено тело кое сепак, бара многу труд и многу години. Овие вторите, најчесто по краток период, без поголем успех, разочарани и се откажуваат од своите намери.

Покрај многуте салони за убавина и теретани кои егзистираат многу одамна, во последните години кај нас се отворија многу, таканаречени, продавници за здрава храна. Ете овде би сакал малку повеќе да го насочам вниманието.

Сега вака, незначи ако сме купиле “нешто” од продавница за “здрава храна” дека сме завршиле работа, односно, ете, ние сега здраво се храниме!

Малку малициозни и претенциозни се насловите на овие продавници, особено на оние кои продаваат се, само здрава храна не. Еве пример:

· Се продаваат енергетски барови од житарки кои се преполни со адитиви и вештачки шеќери и бои.

· Се продаваат “Струмички” кикирики, увезени од Турција!
Се продава овес, јачмен, просо, лен, семки, сончоглед, ... во рефусна состојба, што секако не е здраво.

· Се продаваат засладени “здрави” суви овошја, секако во рефусна состојба, во кеси или вреќи.

· Се продава мед направен од шеќер.

· Се продаваат суперхрани во рефусна состојба и со тоа се девалвира поимот суперхрана, која во реалност би требало да е замена, односно пандан на фармацевтските суплементи.

Врв на безобразието од некои трговци е продажбата на кондиторски производи, слатки, колачи, грицки и сето тоа во продавница за “здрава храна”, се разбира, во рефусна состојба. Поради ова граѓаните се жалат дека пред нозете им претрчуваат лебарки, во производите наоѓаат црви и.т.н.

Сето ова се прави само и САМО поради профит!

Кога сето погоре ќе ни стане јасно, мораме да си воспоставиме механизми за самозаштита.
Односно, мораме да сме многу добро информирани за тоа што купуваме.
Еве некои насоки:

Кога одбирате храна, ногу е важно во насловот да стои зборот “Органско”.

Што значи “органска здрава храна”?

Под поимот органска здрава храна се подразбира производ кој што не е третиран со пестициди. Овие производи се секогаш поскапи, бидејќи и процесот на производство е поскап, односно, поради нетретирањето со пестициди приносот е многу помал, а и изгледот на производот некогаш по непривлечен. Но верувајте, ова е здравата варијанта.

Не наседнувајте на триковите дека оревот или бадемот не се прска, па затоа во секој случај е органски, бидејќи не е така. Органски бадем ќе биде органски, само доколку производителот поседува сертификат за незагаденост на почвата со пестициди.

Истото важи и за медот, овошјето и зеленчукот.

Верувајте, многу се строги критериумите за добивање на овие сертификати и доколку наидете на ваков назив, можете да бидете сигурни дека ќе консумирате квалитетен производ.

Втората работа која би сакал да ви ја потенцирам е купувањето на спакувана храна. Но, спакувана храна без конзерванси и вештачки додатоци за да и се продолжи рокот на употреба. Зошто спакувана. Затоа што при чувањето на храната во рефусна состојба, речиси без исклучок доаѓа до контаминација допир на вработениот кој можеби не се придржува на правилата за добра хигиенска пракса, изложеност на надворешните влијанија, прашина, полен, глутен и.т.н.

Луѓето кои се интолерантни на глутен трпат огромна мака и разочарувања кога и покрај употребата на безглутенски намирници, нивните проблеми не престануваат. Тоа е така бидејќи намирниците биле чувани во рефусна состојба и биле во допир едни со други, па се контаминирале.

Е сега, пакуваната храна е поскапа, да, се надевам ви е јасно дека производителот морал да вложи во амбалажа, етикетирање...

За многумина ова што го напишав е познато, но има исто така многу кои не знаат и ако се едуцира барем еден, ќе биде огромен успех, бидејќи, здравјето на еден човек е поважно е секаков профит.
Сега е вистинско време да се воведе ред и правила во овој бизнис, а кај потрошувачите да се подигне свеста на повисоко ниво!

Споделете го Вашето Мислење

Поврзани Вести

Здрави навики за поквалитетен живот (9)

Колку калории содржат пијалоците кои секојдневно ги конзумираме?

Здрави непца

Десет совети за родителите како подобро да комуницираат со адолесцентите

Опседнатост - како интернетот влијае на здравјето

Лекување со храна (2)

Алкохол

Исхраната и здравјето (3)

Појадок - главниот оброк во текот на денот

Водата како подршка на слабеењето

Здрави навики за поквалитетен живот (3)

Сончање, неговите негативни дејства и фотозаштита

Карцином на дојка и рана детекција - што е карцином на дојка?

Семето ЧИА и неговите можни несакани дејства!

Здрави навики за поквалитетен живот (13)

Блескава насмевка

Дали навистина заштедуваме при изборот на поевтини намирници?

Вечера, што да се јаде, кога и во која количина

Исхраната и здравјето (2)

Зборувајте со вашите деца за сексот - еве каков треба да биде пристапот

Сколиоза - странично искривување на грбот - симптоми и лекување

Флуорот како одбрана од кариес

Влијанието на лимоновиот сок на забите

Болести на крвните садови

Чоколадото и оралното здравје

Здрави навики за поквалитетен живот (1)

Здрави навики за поквалитетен живот (5)

Зачувајте ја блескавата насмевка

Здрави навики за поквалитетен живот (10)

Дали треба да се сменат црните (амалгамски), со бели пломби?

Дали сте зависник од благо?

Најлесен начин да се изгубат килограмите е да пиете многу ВОДА

Најкомплетна

Калориска Табела

NMD