Опседнатост - како интернетот влијае на здравјето

- здрави навики за поквалитетен живот (17)

by Петар Попоски

Нет Медикал Диетс во серија текстови на тема “Здрави навики за поквалитетен живот”, инспирирани од лично искуство на авторот, ќе се обиде да ве поттикне да размислите и самите да ја донесете одлуката на кој начин ќе ја почнете борбата со вашите килограми, не наседнувајќи на разноразните трикови со кои сте секојдневно бомбардирани.

Живееме во едно динамично време, во време на интернет, доминација на електронските медиуми, видео игри, електронски картички, дигитализација... живееме во еден виртуелен свет.

Колку и сево ова да ни изгледа позитивно од аспект на олеснување на секојдневните животни потреби, сепак, јас ќе се обидам овие аспекти да ги проанализирам од еден поинаков агол, односно, како сето ова влијае на нашето здравје, на нашиот ум и во крајна насока, а во контекст на темата на овој прирачник, како дигиталната денешнина влијае на килограмите, односно на зголемување на телесната тежина глобално и особено кај помладата популација.

Ми текнува кога јас бев дете, нашите игри се одвиваа претежно надвор. Кога немавме училишни обврски, игравме фудбал, кошарка, сервис и разни друштвени игри, а дома се враќавме или кога ќе бевме повикани од родителите или доколку ни се пријадеше. Се трошеа многу калории, се дишеше многу кислород, патем воздухот не беше загаден како што е денес. Сигурно ќе се присетите дека дебелите деца беа реткост и помалку невкусно се шегувавме со оние ретките.

Денес децата се момалку се надвор, топките се заменија со играчките конзоли. Денес децата дури не се ни гледаат, ако не се изземе обавезното посетување на училиштето. Комуницараат на “чет”, дури и се наоѓаат онлајн во виртуелниот свет на најчесто деструктивните видео игри. Има дури ситуации кога седат на иста маса, а не разговараат, туку титкаат по паметните телефони и така комуницираат.

Резултат на сето ова е процентуално огромното зголемување на дебели деца.

Кога бев малку повозрасен и кога бев со другарите надвор, кога ќе дојдеше времето да се видам со мојата девојка, морав да си отидам дома и да и се јавам од фиксниот телефон. Денес младите можат да останат каде што се и од таму, преку мобилниот телефон да го договорат својот состанок. Ова се ситници, но ситници кои барале физичка активност и трошење калории.

Во денешно време доколку сакате да прочитате весник, едноставно, го вклучувате компјутерот и пред вас се сите вести. Порано требаше да отидете во трафика и да купите весник.

Ова погоре беа едни обични животни аспекти, односно компарација на секундарната физичка активност, некогаш и сега. Сега би обрнал внимание на нешто уште пострашно, а тоа е влијанието на дигитализацијата врз нашето психичко и физичко здравје.

Дали сте обрнале внимание колку пати дневно вашиот пулс се забрзува бидејки сте прочитале некоја вест на интернет која ве вознемирила. Дали притоа сте го измериле крвниот притисок? Доколку одговорот е потврден, сигурно сте ги приметиле неговите осцилации, односно честата хипертензија.

Можете само да претпоставите како сите тие моментални стресови и нервози влијаат на вашето срце и општо на вашето здравје:

Постојано гледаме некој, кој со различни ставови од нашите ни предизвикува нервозна реакција
Постојано се полниме со негативна енергија.
Се нарушуваат дури и меѓусебните семејни односи.
Се запоставуваат домашните обврски.
Се запоставуваат дури и децата!

Наша обврска кон децата е да им помогнеме при совладувањето на училишните обврски. Наместо тоа, ги оставаме да потонат уште подлабоко во дигиталниот свет, каде пак, се почесто биваат заведени од сексуални манијаци, нарко зависници, разни секти...

Сепак, сето ова се придобивки од напредокот на човештвото, некогаш и да не сакаме мораме да ги користиме, но како да ги контролираме?

Исто како и исхраната.

Со строга контрола на нашиот ум и со дневен распоред на активности. Распоред за исхрана
Распоред за физичка активност
Распоред, односно време и за електронските и дигитални придобивки.

Доколку имате роднини на село, сигурно сте приметиле дека кога сте таму, помалку заборавате на интернетот, медиумите и социјалните мрежи. Користете го секој слободен момент за прошетка во природа, посета на настани од културата, спортки настани.

Кога сте дома пробајте да и се вратите на старата добра книга и со сите овие активности намалето го времето поминато пред дигитален екран, односно сведете го на минимум!

- извадок од прирачникот за слабеење "Здрави навики за поквалитетен живот"

Споделете го Вашето Мислење

Поврзани Вести

Да ги разбиеме табуата и стравот околу вакцините

Здрави навики за поквалитетен живот (1)

Розацеа (црвенило на кожата)

Улцерозен колитис

Најлесен начин да се изгубат килограмите е да пиете многу ВОДА

Сколиоза - странично искривување на грбот - симптоми и лекување

НОВО - појадок според вашата крвна група

Кои се компликациите од заболување од Морбили?

Лекување со храна

Болести на крвните садови

Колку е здрава сировата храна?

Како да се замени зборот "ТРЕБА" со "ПОЧНАВ"

Заштита на бебињата и децата од сончевите зраци

Исхраната и здравјето (3)

Здрави навики за поквалитетен живот (5)

Прирачник за слабеење - почетокот е најтежок

Заблудите околу внесот на витамини и минерали

Сончање, неговите негативни дејства и фотозаштита

Почнете да правите разлика помеѓу “здрава” храна и органска здрава храна

Здрави непца

Aнксиозност - симптоми и алтернативно лекување

Блескава насмевка

Чоколадото и оралното здравје

Десет совети за родителите како подобро да комуницираат со адолесцентите

Слушнете ја суровата реалност: НИКАКВИ ТАБЛЕТИ НЕМА ДА ВИ ПОМОГНАТ ДА ОСЛАБИТЕ

ЕКСКЛУЗИВНО: Лекување со храна (5)

Здрави навики за поквалитетен живот (9)

Какво влијание врз здравјето имаат микронутриентите?

ЕКСКЛУЗИВНО : Лекување со храна (6)

Како ги решаваме проблемите - дали постои решение за секој проблем?

Дали треба да се сменат црните (амалгамски), со бели пломби?

Алкохол

Најкомплетна

Калориска Табела

NMD