Заблудите околу внесот на витамини и минерали

- Здрави навики за поквалитетен живот (17)

by Петар Попоски

Нет Медикал Диетс во серија текстови на тема “Здрави навики за поквалитетен живот”, инспирирани од лично искуство на авторот, ќе се обиде да ве поттикне да размислите и самите да ја донесете одлуката на кој начин ќе ја почнете борбата со вашите килограми, не наседнувајќи на разноразните трикови со кои сте секојдневно бомбардирани.
По постигнувањето на мојата цел, намалувањето на килограмите и особено по навлегувањето подлабоко во нутриционизмот и тајните на исхраната, неминовно се наметна прашањето, како преку исхраната да се задоволат дневните потреби за витамини и минерали. Ми беа познати флоскулите од типот “Јади спанаќ, полн е со железо”, или “Лимон, бидејќи има витамин Ц” и.т.н. Но, кога подобро ќе се погледнат декларациите на производите и особено специјализираните апликации со табели на кои се набројани до детаљ витамините и минералите кои ги содржи одреден производ, како и дневните потреби од друга страна , се гледа и другата страна од медалот.

Имено, несомнено е дека во спанаќот има железо, но, дали ви е познат податокот дека во 100 грама спанаќ има само околу 15 проценти од дневните потреби? Односно, за да се задоволат дневните потреби од железо би требало да се изедат околу седумстотини грама спанаќ... Или, кога би станало збор за цвекло, кое нели е исто така “богато“ со железо, би требало да се изедат, верувале или не, 2 КИЛОГРАМИ ЦВЕКЛО !!

При мојата потрага по адекватен и поефикасен извор на железо, дојдов до Хлорелата, извонредната алга, чистач на крвта и организмот.

Одиме понатаму, калциумот е исто така многу важен пред се за забите и коските. Секојдневно сме бомбардирани дека треба да пиеме што повеќе млеко и млечни производи за да го надополниме нивото на калциум. Да видиме колку калциум би внеле со една чаша млеко. Околу 30 проценти од дневните потреби, значи околу еден литар на ден, под услов да сме стоппроцентно сигурни дека пиеме навистина млеко, односно, дури и да е така, дека животните кои го дале тоа млеко биле напасувани во здрава животна средина, или што е помалку веројатно подхранувани со храна која не е ГМО третирана...

Моето искуство покажа дека одлична алтернатива на млекото е Чиа семето. Чиа семето во 100 грама содржи 6 пати повеќе калциум од млекото!

Ако во нашиот моабет го проанализираме најексплоатираниот витамин, Витаминот Ц, веќе сите табуа и маркетиншки трикови ќе паднат во вода. Еве зошто. Несомнено е дека цитрусните производи како што се лимонот, портокалот, цитронот, потоа, ацеролата, пиперките, кељот, зелката, кивите, брокулите... се преполни со витамин Ц. Но, кога е во прашање витаминот Ц, треба и МОРА да се има на ум фактот дека колкава количина и да внесеме витамин Ц, после само еден час тој преку урината се излачува од организмот. Од тука и очајот на некои кои се придржуваат на оние ригорозни диети за слабеење базирани на многу овошје во текот на претпладнето до ручек и нивната запрепастеност кога ќе им кажат дека им фали витамин Ц или дека им е слаба крвта.

Витаминот Ц мора да се зема континуирано, во текот на целиот ден. Дали ќе се цеди по некое овошје или ќе се грицка пиперка или евентуално оној најпопуларниот начин , во вид на вештачки суплемент. Но овде треба да се обрне особено внимание на квалитетот, односно, корисен суплемент би бил само оној кој има таканаречено ДЕПО, односно одложено дејство на излачување во организмот и тоа во текот на дваесет и четири часа.

Неопходни за организмот се и витамините од групата Б, како и останатите минерали и витамини на кои нема посебно да се здржувам, бидејќи верувам сфативте што ми е поентата, а тоа е следново:
Извонредно е важно, доколку ви дијагностицираат недостаток од некој витамин или минерал во организмот, вашиот лекар или нутриционист да ви објасни, не само кои продукти да ги јадете за да го надополните недостатокот, туку и правилно да ви ги издозира истите во текот на денот, како би биле сигурни дека преку храната, навистина ќе го надополните недостатокот.

извадок од прирачникот за слабеење "Здрави навики за поквалитетен живот"

nmd.mk

Споделете го Вашето Мислење

Поврзани Вести

Здрави навики за поквалитетен живот (13)

Семето ЧИА и неговите можни несакани дејства!

Најлесен начин да се изгубат килограмите е да пиете многу ВОДА

Водата како подршка на слабеењето

Карцином на дојка и рана детекција - што е карцином на дојка?

Дали навистина заштедуваме при изборот на поевтини намирници?

Колку калории содржат пијалоците кои секојдневно ги конзумираме?

Исхраната и здравјето

Како да се замени зборот "ТРЕБА" со "ПОЧНАВ"

Розацеа (црвенило на кожата)

Здрави навики за поквалитетен живот (1)

Опседнатост - како интернетот влијае на здравјето

Вечера, што да се јаде, кога и во која количина

Исхрна после орално-хируршка интервенција

Зачувајте ја блескавата насмевка

Да ги разбиеме табуата и стравот околу вакцините

Здрави навики за поквалитетен живот (10)

Колку вода би требало да пиеме во текот на еден ден

Aнксиозност - симптоми и алтернативно лекување

Десет совети за родителите како подобро да комуницираат со адолесцентите

Слушнете ја суровата реалност: НИКАКВИ ТАБЛЕТИ НЕМА ДА ВИ ПОМОГНАТ ДА ОСЛАБИТЕ

Почнете да правите разлика помеѓу “здрава” храна и органска здрава храна

Влијанието на лимоновиот сок на забите

Чоколадото и оралното здравје

Блескава насмевка

Алкохол

Дали треба да се сменат црните (амалгамски), со бели пломби?

Исхраната и здравјето (2)

Болести на крвните садови

Физичка активност - важна коцка во мозаикот наречен здрав начин на живот

Дали сте зависник од благо?

Зборувајте со вашите деца за сексот - еве каков треба да биде пристапот

Најкомплетна

Калориска Табела

NMD