Она не е божица, Она е нешто попрекрасно и позначајно за нас - Она е Богородица!

Она нѐ научи што е (Кој Е) смислата на нашиот живот.

Она нѐ научи што е (Кој Е) вистинска вера.

Она нѐ научи што е (Кој Е) апсолутно послушание.

Она нѐ научи што е (Кој Е) одрекување од овој свет.

Она нѐ научи што е (Кој Е) крајно туѓинување.

Она нѐ научи што е (Кој Е) небесно смирение.

Она нѐ научи што е (Кој Е) непрелестно кружно движење на умот во Бог, односно благодатна умно-срдечна молитва.

Она нѐ научи што е (Кој Е) љубов.

Она нѐ научи што е (Кој Е) совршена заедница со Бог.

Она е совршен сад на Божјото Предание.

Она дозволи да се воплоти Единородниот Син Божји во Неа – од Светиот Дух.

Она Го роди нашиот Господ, Богочовекот Исус Христос.

Она пострада неволно под Крстот, како никој од човечкиот род – кога било.

Она, од сите нас, прва воскресна.

Она е граница меѓу несоздаденото и создаденото. Преку Неа го добиваме секој дар Божји. Секој наш дар на Бог, Он преку Неа го добива.

Она е Црквородица.

Она е нашата Мајка, а ние сме Нејзини деца.

Она е нашата Владичица Богородица и Секогашдева Марија.

Она не е божица,

Она е нешто попрекрасно и позначајно за нас.

Она е Богородица, а јас, како да ти објаснам за Неа, драг читателе, кога тие зборови ги нема.

Подобро да го оставам свети Григориј Палама да ни говори за Неа и Нејзиниот молитвен подвиг: „Испитувајќи што му е најпотребно на молитвеникот за да беседи со Бог, по кој пат доаѓа молитвата,

Богородица го пронаоѓа свештеното тихување…, оддалеченост од светот, заборав на сè земно и стремење кон божествените откровенија, избор на ’подобриот дел‘.

Открива дека ако умот не се расејува кон земните работи, би можел да се оддаде на подобро и повозвишено дејствување, што значи да се сврти кон самиот себеси: единственото дејствување преку кое тој би можел да се соедини со Бог.

Пресветата Дева, престојувајќи во храмот… со внимание и во непрестајна божествена молитва, Таа целата Своја стана и воспостави нов и неискажлив пат кон

Небото, којшто јас ќе го наречам ’молчание на умот‘. И предавајќи го Својот ум на ова молчание, ја наткрили сета твар, и подобро од Мојсеј ја виде славата Божја, и беше посветена во божествената благодат, којашто никако не е подложна на силата на чувствата, туку претставува прекрасно и свештено созерцание – својствено за непорочните души и умови.

Бидејќи причесна на ова (бого)созерцание, Пречистата – како што пеат црковните химни – стана светлоносен облак на навистина Живата вода, зора на таинствениот ден и огнена кочија на Логосот. (…) Таа токму затоа – не знаејќи за маж – и ја стекна благодатта да Го роди Богочовекот Христос“.

Верувам дека сега во потполност го сфативте она што го реков во мојата прва беседа: учењето за умно-срдечната молитва не е просто еден дел од севкупното свето Предание, тоа е самата срж на светото Предание на Православната Црква.

Пресвета Богородице, спаси нѐ!

Митрополит Струмички Наум

Споделете го Вашето Мислење

Поврзани Вести

Лекување со бозел

Исхрана при дијареа

Лековитите својства на морковот и целерот

Како да го прочистите лимфниот систем

Лук и кромид

Чорба за поттикнување на метаболизмот

Каков пенис ја доведува жената до оргазам?

Од кој град се раширил Хив - вирусот низ целиот свет

Со кинески билки против ракот

Заштитете ги возилата, утре ГРАД, студ и многу дожд - еве ја деталната прогноза!

Појадок - главниот оброк во текот на денот

Жељко Јоксимовиќ со ексклузивно интервју за НМД

Јаткасто овошје

Ѓумбир - природен лек против настинка и моќен афродизијак

Јајчници

Оваа жена живеела 24 години без мал мозок!

Дијагноза според стопалата (2)

МОРНИЧАВА ИСПОВЕД НА НЕКОГАШНА БАЈАЧКА: Шурувањето со нечестивиот ми го усмрти целото семејство!

Престижна титула за фрижидерите од специјалната ретро-едиција на Горење

Гоџи бобинки - извор на здравје

Срцева аритмија

Страшни податоци за храната

Дали на Македонија и се заканува епидемија од Морбили?

Против песок во урината - Свила од пченка

Орален секс - колку е штетен

Еве кои пет витамини штитат од рак

Агенција за храна: Труења со храна во ТЦ Лептокарија и Мирковци!

Кои се најпосакуваните жени во светот?

Розина вода за промивање на устата

Пченична трева

Постхумно признание „Креатори за векови“ за Трајче Мукаетов

Запалени неколку возила во Порта Влае!

Најкомплетна

Калориска Табела

NMD