Физичка активност - важна коцка во мозаикот наречен здрав начин на живот

- Здрави навики за поквалитетен живот (14)

by Петар Попоски

Нет Медикал Диетс во серија текстови на тема “Здрави навики за поквалитетен живот”, инспирирани од лично искуство на авторот, ќе се обиде да ве поттикне да размислите и самите да ја донесете одлуката на кој начин ќе ја почнете борбата со вашите килограми, не наседнувајќи на разноразните трикови со кои сте секојдневно бомбардирани.

Ќе ви откријам еден интересен момент од мојот живот. Кога цврсто одлучив да го променам мојот стил на живот, секако, тука дојде во предвид физичката активност. Стомачните вежби и склековите се еден добар репер да ја оцениме нашата моментална физичка форма. Верувале или не, јас на почетокот можев да направам 1, да, добро прочитавте, само ЕДЕН склек ! Вториот до пола. И толку.

Стомачни не се ни обидував. Ми стана јасно дека морам да применам потемелен пристап и да почнам од почеток. Не треба да ви споменувам дека како и кај многумина и во нашето семејство беа присутни домашни справи за вежбање кои, како и кај мнозина од вас, ни служеа за украс или за сушење алишта се дури не се одлучивме да го отстраниме. Таа опција од старт ја отфрлив како испробана и неуспешна. Секогаш постои варијантата за одење во некој фитнес центар, но секојдневните обврски, како и потребата од стручна помош на почетокот ја отфрлија и таа опција.

Во то време време на интернет стана хит деведесет дневната програма за вежбање на познатиот Американски фитнес тренер, Тони Хортон, таканаречена “P90X” . Програмата ми изгледаше интересна и започнав. Особено е поволен фактот што вежбите се обликувани за изведување во домашни услови и секоја одделна програма трае по околу триесет до четириесет и пет минути. Се состојат од вежби за загревање, кардио, како и специфични вежби за секој мускул поединечно. Најискрено ви ги препорачувам! Веќе бев ослабнат околу петнаесетина килограми, се чувствував полесно, поенергично и резултатите дојдоа. Претходно ви напоменав дека на почетокот не можев да направам ни два склека. Епа после само месец и половина секојдневно или четири до пет дена во неделата вежбање јас можев да направам помеѓу педесет и сто нормални и пет до десет склекови СО ЕДНА РАКА !!!

Кардио вежбите придонесоа при една неделна прошетка по вообичаената ридска рута со моите пријатели јас, јас кој на секои двесте метри одмарав по десет минути, сега без одмор да одам по нагорнината и да ги сочекувам останатите да ме стигнат.

Почнав да се восхитувам на моето ново тело, односно на фактот дека во одредени делови мускулите го заменија салото. Сега веќе можев многу парчиња од мојата гардероба кои стоеја подзатскриени да ги облекувам без проблем и со гордост да ги носам, бидејќи пазете, дури и ако ослабнете, без физичка активност телото, а и кожата се свиснати, па така можете од еден проблем, проблемот со дебелината, сега да западнете во друг, уште поголем, а тоа е незадоволството од својот физички изглед, па како последица на депримираноста повторно да ги вратите килограмите...

Но, да не навлегувам во психологии, да се вратиме на темата. Ритамот беше одличен, се набилдав со физичка кондиција, задоволство од изгледот, но, се појави еден проблем. Од секојдневната помалку и агресивна физичка активност ми се отвори апетит и ја зголемив количината на вообичаените оброци. Не дека нешто ги покачив килограмите, но се појави реална опасност кога ќе се намали интензитетот на вежбање, со зголемен внес на калории, повторно да почнат да се накачуваат и килограмите. Ете ти нова беља. Морав да смислам нов начин, ем да останам во добра физичка кондиција, но сето тоа да биде дозирано на вистински начин.

После многу размислување и консултации го најдов решението. Тоа беше три пати неделно пешачење-брзо одење, комбинирано со секојдневно вежбање, по триесет до педесет повторувања на стомачни вежби и склекови. Или барем четири пати неделно. На овој начин не само што немав огромна желба за храна, туку и се заштитив од несакани повреди при евентуални поспецифични вежби во незагреана состојба, бидејќи понекогаш сите ние знаеме да избрзаме преценувајќи ги сопствените можности...

Е сега и при пешачењето треба да се имаат на ум некои аспекти, имено, особено внимание треба да се обрне на временските услови, односно, во зимските месеци, доколку живеете во котлина би требало да ги избегнувате магличавите денови, за да не излезе дека од една страна правиме добро за физичката кондиција, а од друга страна му наштетуваме на организмот со голтање загаден и нездрав воздух.

Но, дури и при обичното брзо одење треба да се имаат на ум некои превентивни мерки за заштита на вашето срце пред се, односно, во никој случај не смеете да се префорсирате. Многу добар реквизит, дури и неопходен при ваков, но и при секој друг начин на применување физичка активност е мерач на пулсот. Во зависност од вашата возраст нивото на срцеви отчукувања треба да се движи во следниве граници:

- Доколку имате 30 години, при максимална оптовареност, срцевите отчукувања во минута не треба да преминат 160.

- Доколку имате 50 (педесет) години горната граница е 145.

- За седумдесет годишници оптималното максимално ниво е 125 отчукувања во минута.

Знаејќи ги максималните вредности на срцеви отчукувања во минута, потребно е исто така да знаете дека доколку не го подигнете нивото на срцеви отчукувања барем до седумдесет проценти од максималното дозволено, нема да постигнете скоро никаков ефект, односно таквото спортување и не би значело спортување, туку обична прошетка...

Во секој случај, доколку немате соодветен апарат за мерење на пулсот при физичка активност, слушајте го вашето тело, доколку осетите неиздржлив умор или евентуална градна болка, во истиот момент направете подолг одмор или завршете за тој ден. Доколку сте целосно испотени, сте ја постигнале целта.

Популарните тимски спортови не би ви ги препорачал за почеток, бидејќи сакајки да се истакнете пред можеби физички поспремните од вас, можете да се исфорсирате, да се повредите, да се засрамите и да се откажете. Тоа нека дојде подоцна, кога навистина ќе можете да се истакнете со вашите физички предиспозиции.

Верувајте, физичката активност е навистина неопходна во одот кон успешното симнување на килограмите, бидејќи со секого со кого ќе поразговарате за здрав начин на слабеење ќе ви го потенцира овој факт, истиот може да предизвика во вас одбивност и страв дека нема да успеете, но со умереност и според сопствените сили, јас ве уверувам дека ќе успеете.

За крај морам да ви потенцирам и да ги ви ги рзбијам заблудите дека доколку вежбате ќе можете да јадете што сакате. За жал овој совет можете да го слушнете и од многумина нутриционисти, но тоа едноставно не е така. Само за споредба, доколку изедет еден хамбургер, односно еден нездрав оброк кој би содржел околу петстотини до седумстотини калории, за да го потрошите ќе треба да испешачите околу 10, внимавајте ДЕСЕТ километри ! Затоа, физичката активност разберете ја единствено како моќна подршка во вашиот напор за пресврт во животот, како подршка во нормално функционирање на сите ваши органи, како само една коцка во мозаикот наречен здрав начин на живот и ништо повеќе од тоа.

продолжува
- извадок од прирачникот за слабеење "Здрави навики за поквалитетен живот"

Споделете го Вашето Мислење

Поврзани Вести

Ангина пекторис

ЕКСКЛУЗИВНО : Лекување со храна (3)

Улцерозен колитис

Лекување со храна

Колку е здрава сировата храна?

Слушнете ја суровата реалност: НИКАКВИ ТАБЛЕТИ НЕМА ДА ВИ ПОМОГНАТ ДА ОСЛАБИТЕ

Здрави навики за поквалитетен живот (1)

Водата како подршка на слабеењето

Појадок - главниот оброк во текот на денот

Кои се компликациите од заболување од Морбили?

Сколиоза - странично искривување на грбот - симптоми и лекување

Какво влијание врз здравјето имаат микронутриентите?

Како да се замени зборот "ТРЕБА" со "ПОЧНАВ"

Да ги разбиеме табуата и стравот околу вакцините

Заштита на бебињата и децата од сончевите зраци

ЕКСКЛУЗИВНО: Лекување со храна (5)

Кламидија - инфекции кај жени и мажи

Десет совети за родителите како подобро да комуницираат со адолесцентите

Флуорот како одбрана од кариес

Исхраната и здравјето

НОВО - појадок според вашата крвна група

Вечера, што да се јаде, кога и во која количина

Есенцијален тремор

Aнксиозност - симптоми и алтернативно лекување

Колку калории содржат пијалоците кои секојдневно ги конзумираме?

Псоријаза

Семето ЧИА и неговите можни несакани дејства!

Како ги решаваме проблемите - дали постои решение за секој проблем?