Ангина пекторис

- На кој начин се манифестира коронарната болест на срцето

by Д-р Бојан Данаилов

1 АНГИНА ПЕКТОРИС

2 ИНФАРКТ НА СРЦЕ

3 Пореметување на срцевиот ритам

4 Асимптоматска коронарна болест ( “silent” “тивка/нема”исхемија )

5 Срцева слабост

6 Нагла срцева смрт

Ангина пекторис

Претставува синдром кој што се состои од напад на болка позади градната коска обично со ширење во левата рака или вратот, пропратено со гушење и чувство на страв од смрт.

Настанува поради намалено снабдување на срцето со кислород. Може да се јави при напор или за време на мирување, па според ова се дели на стабилна ангина пекторис и нестабилна ангина пекторис.

Стабилна ангина пекторис настанува во тек на физичко оптеретување на телото, кога срцето работи побрзо, а со тоа потребите негови за кислород се поголеми, а доводот на крв/кислород е намален.

Како причини за оваа состојба се наведени :

- Телесен напор ; почесто изометриските вежби ( дигање тегови, борење, ) одколку изотоничките ( трчање или шетање )

- Психички напор : стрес

- Ладна средина- овде настанува контракција на крвните садови, а со тоа покачување на притисокот. Топлата средина и влажноста ја зголемуваат фреквенцијата на срцето, а со тоа се зголемува и неговата потреба за кислород.

- Храна : зголемената количина на храна во стомакот исто така ја забрзува срцевата работа

- Полов однос : 20-60 % од сите коронарни болести имаат ангина во текот на оргазамот.

СИМПТОМИ :

- Болка во градите која што е еднаква со јачината на напорот: како напорот се зголемува, се зголемува и болката од друга страна.

- Локализација на болката : во поголем број од случаите болката настанува позади градната коска, поретко на левата страна на градниот кош. Ретко се јавува без болка, туку само како зрачење или пак болка во вратот или во левото раме за време на напор. Често е ширењето во левата рака, рамото, вратот или брадата.

Често се локализира болката и во стомакот над папочната регија.

Карактеристичен е таканаречениот “ Левинов знак “ : кога болниот ја стега тупаницата и ја става на градите кога ја опишува болката.

Ретко се јавува болката во вид на печење. Остра болка е добар дијагностички знак. Болката не зависи од положбата на телото.

- Јачина на болката : често е непријатна, но не е максимално јака. Ако болката е многу јака тогаш се работи за нешто друго, а не за ангина пекторис. Тогаш се работи за : инфаркт на срцето, дисекција ( кинење/цепење на аортата ) или плевритис односно воспаление на плеврата ( белодробната марамица )

- Времетраење на болката : Болката има “крешчендо “ карактер (постојано се зголемува ), и нагло престанува кога пациентот мирува или со земање на таблета Нитроглицерин под јазик.

Типови на АП

-Еквивалентна ангина : болка во градите не постои, постои само гушење, глад за воздух во мир и намалена толеранција на напор

-Атипична болка : може да се јави болка независна од напорот, не поминува со нитроглицерин, или пак има атипична локализација ( може да боли зглобот на раката или стомакот )

-Ноќна ангина : се јавува заради зголемениот прилив на венска крв во срцето па доаѓа до проширување на коморниот дел и за време на РЕМ фазата при спиење кога доаѓа до тахикардија.

-“Нема” миокардна исхемија : околу 1/3 од пациентите со стабилна АП и скоро сите пациенти со нестабилна АП имаат фаза на исхемија на миокардот без болка. Околу 25 % од сите инфаркти на срцето припаѓаат на оваа група. Почеста е кај пушачи и дијабетичари.

НЕСТАБИЛНА АНГИНА ПЕКТОРИС :

Се јавува при поголемо запушување на крвните садови и сите симптоми карактеристични за стабилната ангина пекторис, се карактеристични и кај нестабилната, само што овде симптомите се јавуваат и во мирување. Често претходи на акутен миокарден инфаркт.

Еден од облиците на нестабилната АП е тн Принзметалова ангина, која се карактеризира со исти симптоми како и претходната, но не настанува заради запушување на крвниот сад, туку како последица на спазам/контракција на крвниот сад, без разлика дали истиот е атеросклеротично променет или идеално чист.

Кај 1/3 од пациентите нема промени на крвните садови на направената ангиографија, а 2/3 од пациентите имаат мала или изразена коронарна атеросклероза.

Нормалните коронарни артерии реагираат на студ.

Знаци: ако овој спазам трае подолго, лицето може да добие инфаркт и при чисти коронарни крвни садови.

Почеста е кај пушачи и помладата популација.

Во текот на нападот на АП настанува исхемија на срцето, т.е. еден негов дел послабо се исхранува, добива помалку кислород. Тоа може да предизвика аритмија која може да биде безопасна но и опасна по живот, како што е вентрикуларната тахикардија и вентрикуалрната фибрилација, кои што се и најчести причини за смрт кај инфарктите.

Д-р Данаилов Бојан
специјалист-интернист,
субспецијалист-кардиолог

http://danailov.mk

Споделете го Вашето Мислење

Поврзани Вести

Заштита на бебињата и децата од сончевите зраци

Сколиоза - странично искривување на грбот - симптоми и лекување

Лекување со храна

Заблудите околу внесот на витамини и минерали

Исхраната и здравјето (4)

Исхраната и здравјето (3)

Здрави навики за поквалитетен живот (9)

Дали треба да се сменат црните (амалгамски), со бели пломби?

ЕКСКЛУЗИВНО : Лекување со храна (3)

Прирачник за слабеење - почетокот е најтежок

Најлесен начин да се изгубат килограмите е да пиете многу ВОДА

Блескава насмевка

Чоколадото и оралното здравје

Десет совети за родителите како подобро да комуницираат со адолесцентите

Здрави навики за поквалитетен живот (3)

Здрави непца

Влијанието на лимоновиот сок на забите

Здрави навики за поквалитетен живот (10)

Розацеа (црвенило на кожата)

Колку е здрава сировата храна?

Исхрна после орално-хируршка интервенција

Улцерозен колитис

Физичка активност - важна коцка во мозаикот наречен здрав начин на живот

Панични напади - што е важно да знаете доколку имате напад на паника

Кламидија - инфекции кај жени и мажи

Есенцијален тремор

Алкохол

Семето ЧИА и неговите можни несакани дејства!

Колку калории содржат пијалоците кои секојдневно ги конзумираме?