Дали навистина заштедуваме при изборот на поевтини намирници?

- Здрави навики за поквалитетен живот (12)

by Петар Попоски

Нет Медикал Диетс во серија текстови на тема “Здрави навики за поквалитетен живот”, инспирирани од лично искуство на авторот, ќе се обиде да ве поттикне да размислите и самите да ја донесете одлуката на кој начин ќе ја почнете борбата со вашите килограми, не наседнувајќи на разноразните трикови со кои сте секојдневно бомбардирани.

"Дали ви текнува на онаа народната “Не сум толку богат , за да купувам евтино” ?
Кога почнав малку поинтензивно да размислувам за храната и за тоа што јадам ми текна на оваа поговорка. Имено, дали некогаш сте се фатиле самите себе во ситуации во кои се обидувате да заштедите на нешто, а од друга страна ги давате истите пари, па и многу повеќе за нешто што во суштина и не е од толкава важност за вас. Дали некогаш сте помислиле дека можеби, за сметка на поквалитетната храна, парите ги давате на пример за цигари или алкохол со што самите си вршите директен атак на сопственото здравје?

Многупати се имам фатено во ситуација при пазарување како се двоумам помеѓу два производи и одлучувачки фактор кој да го земам е цената. Разликата во цената помеѓу два исти производа, со иста тежина, од различен производител е секогаш многу мала. Но разликата во квалитетот може да биде огромна. Сетете се само на аферите низ годините за “Алфатоксин” во млекото кај некои производители, или за употребата на коњско месо во преработките од месо, или за таканареченото “канибалистичко” пилешко… Е во денешно време, при пазарување навистина, МОРА да се обрне внимание на етикетата позади, на производителот, на рокот за употреба, како е испечатен рокот, односно дали е фабрички или е дополнително печатиран, доколку е производот во провидно пакување каква е неговата боја и.т.н. Ако сум решил да го нарушам балансот во исхраната и денес да се нагостам со порција колбаси, одлучувачка нема да ми биде цената, туку многу поважно е дали тие колбаси имаат природна боја на месо или некаква недефинирана розово-виолетова боја како резултат на инстант чадењето кое трае не повеќе од половина час, потеклото на месото кое употребено, колку нитрити и штетни додатоци содржат…

При набавката на свежо месо исто така ќе забележите различни цени, но секогаш земете го она месо позади кое има наведено потекло каде било одгледано и гледајте тој регион вам да ви биде познат. Ова поевтиното, кое нема дефинирано потекло, дури ни самите продавачи незнаат од каде е, бидејќи со сигурност потекнува од некоја далечна земја, не му бил навреме најден пласман и стоело можеби и со години во ладилници пред да биде одмрзнато и да ви биде продадено по поевтина цена.

Не може да купиме млечен производ, да речеме сирење, од регион за кој знаеме дека сточарството е одамна изумрено. Тука одма мириса на млеко во прав. Дури имам слушнато дека исто сирење ставаат во различни солила и ги продаваат божем со различно географско потекло, нормално и по поинакви цени.

Произведувачите на млеко мислам дека имаат обврска на амбалажата да стават податок со кој ќе му посочат на купувачот колку пати млекото е репастеризирано, се мисли на млекото на кое му поминал рокот. Колкумина од вас го гледаат тој податок, кој патем, од страна на произведувачите на амбалажата е сместен некаде каде што тешко ќе го забележиме, бидејќи, да не се лажеме, знаејќи го овој податок, тешко дека некој од нас би се одлучил да купи млеко на кое три или четири пати му поминал рокот…

Верувајте, има зошто некој ист производ, со иста тежина да биде поевтин од друг. Никој од нас не е стручњак за храна, но барем да се обидеме колку - толку да се заштитиме. Помислете само дека тоа што го купуваме за нас, го купуваме и за нашите деца!

Посебна приказна е таканаречената “Здрава храна”, која се продава најчесто неспакувана , во рефусна состојба, складирана во вреќи, увезена од далечни држави. Ве молам, купувате евтина “здрава храна” , бидејќи спакуваната и декларирана ви е скапа и мислите дека штедите? Се лажете. Заштедувате во прв момент, но доколку таквата непроверена храна ви предизвика здравствени компликации, средствата за лекување многукратно ќе го надминат износот кој го “заштедивте” на почетокот.

Најинтересни ми се луѓето, помеѓу кои припаѓав и јас, кои по пазарењето на потребните намирници, на крајот, среќни дека направиле добар избор со цените, купуваат кутија или две цигари! А има и такви кои штедат на храна, ама купуваат поскапи цигари, “да не се трујат со евтини” !!

Или сме излегле од пазарење, се наоѓаме со познаник и седнуваме во блиското кафуле, во кое за кафе кое чини минимум десет пати повеќе од реалната цена, ја даваме разликата од цената за која сме можеле да купиме поквалитетна храна.

Да не зборуваме за прескапите салони за убавина, бутици за гардероба и останатите луксузи кои во принцип, за разлика од храната и водата и не се животно потребни, а чинат многу и ние не ги приметуваме тие трошоци. Извинете, ама егоистично и нечовечки е јас да штедам на храната и водата која ја купувам за моите деца, а од друга страна да ја потрошам разликата од парите за да се возам со автомобилот до пазарот или супермаркетот, наместо да отидам пеш или со велосипед и да купам поквалитетна храна.

Се разбира, ова се факти кои ретко кој од нас ги приметува, ретко кој ќе биде самокритичен самиот кон себе, ние луѓето сме најчесто идеалисти или конформисти и ваквите мисли дури и да надојдат во главата, свесно ги игнорираме и растеруваме, ама па дури и да сме толкави егоисти и да мислиме само на самите себе треба да размислиме, бидејќи во крајна линија се работи дури и за нашето здравје…

Мене ми требаше долго време да им погледнам во очи на овие, во суштина едноставни факти, но сега со ова малку пореалистично гледање на нештата сум среќен што и понатаму имам доволно свои лични пороци, за сметка на кои сум обврзан да не штедам на поквалитетна храна за моето семејство!"

- извадок од прирачникот за слабеење "Здрави навики за поквалитетен живот"

Споделете го Вашето Мислење

Поврзани Вести

Опседнатост - како интернетот влијае на здравјето

Колку е здрава сировата храна?

ЕКСКЛУЗИВНО : Лекување со храна (3)

Исхрна после орално-хируршка интервенција

Здрави непца

Ангина пекторис

Aнксиозност - симптоми и алтернативно лекување

Флуорот како одбрана од кариес

Семето ЧИА и неговите можни несакани дејства!

Розацеа (црвенило на кожата)

Какво влијание врз здравјето имаат микронутриентите?

Здрави навики за поквалитетен живот (1)

Есенцијален тремор

Исхраната и здравјето

Почнете да правите разлика помеѓу “здрава” храна и органска здрава храна

Сончање, неговите негативни дејства и фотозаштита

Алкохол

Вечера, што да се јаде, кога и во која количина

Водата како подршка на слабеењето

Здрави навики за поквалитетен живот (13)

ЕКСКЛУЗИВНО : Лекување со храна (6)

Сколиоза - странично искривување на грбот - симптоми и лекување

Физичка активност - важна коцка во мозаикот наречен здрав начин на живот

Исхраната и здравјето (3)

Исхраната и здравјето (4)

Заштита на бебињата и децата од сончевите зраци

Панични напади - што е важно да знаете доколку имате напад на паника

Слушнете ја суровата реалност: НИКАКВИ ТАБЛЕТИ НЕМА ДА ВИ ПОМОГНАТ ДА ОСЛАБИТЕ

Дали сте зависник од благо?

Како ги решаваме проблемите - дали постои решение за секој проблем?

Колку калории содржат пијалоците кои секојдневно ги конзумираме?

Здрави навики за поквалитетен живот (10)

Најкомплетна

Калориска Табела

NMD