Вечера, што да се јаде, кога и во која количина

- Здрави навики за поквалитетен живот (11)

by Петар Попоски

Нет Медикал Диетс во серија текстови на тема “Здрави навики за поквалитетен живот”, инспирирани од лично искуство на авторот, ќе се обиде да ве поттикне да размислите и самите да ја донесете одлуката на кој начин ќе ја почнете борбата со вашите килограми, не наседнувајќи на разноразните трикови со кои сте секојдневно бомбардирани.

"Мојата филозофија, вообличена од сопственото искуство е дека кога ни се јаде, треба да јадеме. Секако со мерка. Така, кога јас ќе почувствувам огромна желба за храна, навечер, го отворам фрижидерот и каснувам еден или два залака од моето најомилено јадење кое во моментот ми е на располагање. Ама внимавајте, еден до два залака, не повеќе! На пример, четвртина или половина парче леб намачкано со било што, па и со пршут или димен колбас одозгора. Овде ќе ми речете, ама чекај, што има тука здраво, нели можеш да каснеш два бадема или половина јаболко... Но не, забележав дека во вакви ситуации игра огромна улога и психолошкиот момент. Од една страна си го каснал она што најмногу ти се допаѓа, во многу мала количина, која вкупно нема да достигне ни седумдесет калории. Од друга страна, она што ни е омилено, најчесто припаѓа на групата штетни намирници, па сега запирањето со овој оброк може да се должи и на грижа на совеста и од трета страна, доколку јас навечер консумирам јаболко или друго овошје, МЕНЕ МИ СЕ ЈАДЕ УШТЕ ПОВЕЌЕ ! Во овие моменти доаѓа во предвид и коцка или две чоколадо. Замислете, доколку се воздржуваме од овие вечерни залаци, како тоа влијае на сонот, на умот, расположението и.т.н.

Уште еднаш ќе напоменам, само неколку залаци и секако, ова е моето искуство и мојот начин.

Кога го потенцирам мојот начин, ќе се обидам до крај да ви откријам како јас постапував во почетокот од мојот нов начин на исхрана, кога зборуваме за оброците попладне и навечер. Најпрво се обидував да си подготвувам сосема различна храна од онаа за ручек. Па така, првите неколку недели, дури бев на ограничено, ниско ниво на дневни калории, вечерата ми се состоеше од:

· Динстани печурки (шитаке, вргањ, лисичарка, буковка) на една лажица маслиново масло, со додаток на лук и магдонос. Се на се околу сто и педесет калории.

· Печена риба (ципура, пастрмка, лосос, скуша) во количина од околу сто, сто и педесет грама, или една средна филета, или една конзерва туна стоена во вода. Овој оброк е отприлика околу двесте до двесте и педесет калории.

· Трета варијанта ми беше варен компир во количина од околу сто и педест грама, со додаток на лажиче маслиново и свеж кромид, исто така оброк од околу двесте, двесте и педесет калории.

· Стотина грама варено пилешко, околу двесте и педесет, триста калории.

· Сто грама варен ориз со додаток на сезонски зеленчук, стотина калории.

· Салата од зелка со лукче, маслиново и балсамико како зачин, сто, сто и педесет калории.

Бидејќи прочитав многу позитивни факти за црвеното вино, многу често знаев по вечерата да се напијам и по една чаша (околу сто милилитри) црвено вино.

Ќе забележите дека лебот не го споменав, исто така и слатките. Сепак се работи за почетокот од подвигот, кога и ограничувањата се малку построги. Понатаму, кога ќе се научиме на самоконтрола, во исхраната се вклучуваат и лебот и слатките задоволства, сепак, во многу ограничени количини."

- извадок од прирачникот за слабеење "Здрави навики за поквалитетен живот"

Споделете го Вашето Мислење

Поврзани Вести

Здрави навики за поквалитетен живот (5)

Какво влијание врз здравјето имаат микронутриентите?

Здрави навики за поквалитетен живот (13)

Како ги решаваме проблемите - дали постои решение за секој проблем?

Aнксиозност - симптоми и алтернативно лекување

Прашања од читателите

ЕКСКЛУЗИВНО : Лекување со храна (3)

Улцерозен колитис

Дали треба да се сменат црните (амалгамски), со бели пломби?

Лекување со храна (2)

Почнете да правите разлика помеѓу “здрава” храна и органска здрава храна

Сончање, неговите негативни дејства и фотозаштита

Како да се замени зборот "ТРЕБА" со "ПОЧНАВ"

Слушнете ја суровата реалност: НИКАКВИ ТАБЛЕТИ НЕМА ДА ВИ ПОМОГНАТ ДА ОСЛАБИТЕ

Здрави навики за поквалитетен живот (1)

Ангина пекторис

Есенцијален тремор

Дали сте зависник од благо?

Розацеа (црвенило на кожата)

Зачувајте ја блескавата насмевка

НОВО - појадок според вашата крвна група

Зборувајте со вашите деца за сексот - еве каков треба да биде пристапот

Блескава насмевка

ЕКСКЛУЗИВНО : Лекување со храна (6)

Исхраната и здравјето

Здрави непца

Здрави навики за поквалитетен живот (3)

Кои се компликациите од заболување од Морбили?