Здрави навики за поквалитетен живот (10)

- ручек

by Петар Попоски

Нет Медикал Диетс во серија текстови на тема “Здрави навики за поквалитетен живот”, инспирирани од лично искуство на авторот, ќе се обиде да ве поттикне да размислите и самите да ја донесете одлуката на кој начин ќе ја почнете борбата со вашите килограми, не наседнувајќи на разноразните трикови со кои сте секојдневно бомбардирани.

"Кога ручекот е главен и многу често единствен оброк во текот на денот, организмот е во постојан страв дека и во наредните дваесет и четири часа ќе остане без храна и се труди да складира што повеќе енергија и маснотии, наместо да ги согори. Ова е огромен проблем со кој се соочуваат многумина. Интересни се дебелите луѓе, помеѓу кои припаѓав и јас, кога ќе речат, ништо не јадам, или јадам само еднаш во денот, а никако да ослабнам, напротив, се дебелеам.

Да почнеме од почеток. Што најчесто се консумира за ручек. Во мојот случај тоа беше тешка протеинска исхрана, составена најчесто од свинско месо и тоа од најмрсните делови од свињата! Ако се знае дека умерено мрсните делови од свинското содржат околу триста калории, мрсните делови, како што се ребрата или пафлакот содржат од петстотини до шестотини калории, додека сланината над седумстотини калории во сто грама. Доколку се изеде околу двесте до триста грама, тоа се скоро илјада калории.

Но, не е само месото. Месото без прилог нормално не оди, па затоа тука се печените или уште пострашно пржените компири. Настрана фактот што од нутриционистички аспект месото и компирите , односно протеини и јаглехидрати не се комбинираат, сега ќе треба на оброкот да му додадеме плус уште околу петстотини калории. Ако каснеме и “малку” лебче, (тоа малку е две до три парчиња), плус уште двесте калории. Ги заборавивме и сосовите. Незнам за вас, ама јас сакав да си ставам во прилог и мајонез или павлака, значи уште двесте до триста калории згора. Е сега, после ваков обилен ручек, “ред” е да се напиеме и еден пијалок. Доколку е само една чаша вино во прашање, ставете плус сто и педесет калории, но доколку сте вљубени во пивото, половина литар пиво е околу триста и педесет калории. А пред ручекот чашка жесток алкохол? Во една чаша ракија на пример, има околу двесте и педесет калории. Не, не е тоа се. Ќе заборавев. Со аперитивот пред ручек треба и некаква салата. Доколку се употреби сирење или јогурт во салатата, додадете плус двесте калории, доколку содржи мајонез и повеќе. Ајде сега да ги собереме калориите. Илегува некаде околу 2500 (две илјади и петстотини калории).

Страшно !!

На маж кој има околу сто килограми, кој е висок околу сто и осумдесет сантиметри и кој во текот на денот нема физички активности, за да ја одржува телесната маса му се потребни околу две илјади и триста калории. Сега, само со ручекот сме внеле две илјади и петстотини. Каде е појадокот и вечерата. Треба ли да се изеде нешто благо после таков убав оброк за ручек ??

После сето ова се чудиме зошто сме дебели.

Секако, ова не е правило кај секого. Јас го прераскажувам мојот поранешен стил на исхрана. Има луѓе кои се дебели и кои на сето ова можеби ќе се поднасмевнат, тешејќи се дека тие не се вљубеници во месото и нивниот оброк за ручек се состои во некои други продукти. Но кои? Тестенините? "

- извадок од прирачникот за слабеење "Здрави навики за поквалитетен живот"

Споделете го Вашето Мислење

Поврзани Вести

Блескава насмевка

Здрави навики за поквалитетен живот (3)

Опседнатост - како интернетот влијае на здравјето

Псоријаза

Здрави непца

НОВО - појадок според вашата крвна група

Здрави навики за поквалитетен живот (13)

Какво влијание врз здравјето имаат микронутриентите?

Водата како подршка на слабеењето

Улцерозен колитис

Витамини за здрави заби

Aнксиозност - симптоми и алтернативно лекување

Лекување со храна

Заблудите околу внесот на витамини и минерали

Физичка активност - важна коцка во мозаикот наречен здрав начин на живот

Исхраната и здравјето (2)

ЕКСКЛУЗИВНО : Лекување со храна (3)

Сончање, неговите негативни дејства и фотозаштита

Лекување со храна (2)

Кои се компликациите од заболување од Морбили?

Да ги разбиеме табуата и стравот околу вакцините

Влијанието на лимоновиот сок на забите

Колку калории содржат пијалоците кои секојдневно ги конзумираме?

Чоколадото и оралното здравје

Појадок - главниот оброк во текот на денот

Вечера, што да се јаде, кога и во која количина

Карцином на дојка и рана детекција - што е карцином на дојка?

Исхрна после орално-хируршка интервенција

Како ги решаваме проблемите - дали постои решение за секој проблем?

Почнете да правите разлика помеѓу “здрава” храна и органска здрава храна

Здрави навики за поквалитетен живот (9)

Заштита на бебињата и децата од сончевите зраци

Најкомплетна

Калориска Табела

NMD