Зачувајте ја блескавата насмевка

-Како да се храните откако ги избеливте забите?

by Д-р Стефан Анастасовски

Избелувањето на забите, претставува постапка која се повеќе се зазема замав во модерното општество. Постојат огромен број на медицински препарати со кои белењето може да се изврши во домашни услови. Другата опција е избелувањето да биде извршено од професионално лице во стоматолошка ординација. Со оваа постапка, за релативно краток временски период, може да се постигнат посакуваните резултати.

Со завршување на целата процедура на избелување не смее да се намали степенот на грижа и внимание кое е потребно да се посвети за да постигнатата боја се одржи. Периодот од 2 до 3 дена по интервенцијата е критичен за зачувување на добиената нијанса. Многу е важен начинот на кој ќе се храниме и продуктите кои ќе ги внесуваме во овој период, не само поради задржување на новата боја на забите, туку и поради одржување на здравата состојба на забите.

Зошто? Поради тоа што процедурата на избелување се остварува всушност преку изложување т.е. премачкување на забите на хемиски агенси. Овие хемиски агенси предизвикуваат алтерации во структурата на забите, со што се намалува минералниот состав на забите.

Како? Секој заб во својата структура содржи микроканалчиња кои се протегаат од пулпата, срцевината на забот до површинските слоеви на емајлот. Нормално, овие каналчиња се блокирани, затворени со минерали кои ја спречуваат сензитивноста на пример кога пиеме ладни и топли пијалоци. После белењето, овие минерали се уништени и каналчињата остануваат изложени на надворешни влијанија и агенси.

Токму поради горенаведената ситуација, која се случува по белење, забите се исклучително вулнерабилни и посебно внимание треба да се посвети на видот на храна и пијалоци кои ги внесуваме, во наредните 2 до 3 дена по интервенцијата. 2 до 3 дена е периодот што и е потребен на плунката да создаде нови минерали во каналчињата и да ги врати во нормалната состојба.

Постојат неколку правила до кои треба да се придржуваме во периодот по избелување на забите (2-3 дена).

Да се консумира само необоена храна и пијалоци. Може да се внесуваат: млечни производи (млеко, бело сирење, јогурт, урда), вода, ориз, тестенини (без кечап, болоњезе сос или било каков друг обоен сос), бел леб, пилешко, свинско, зеленчук.

Поради зголемената сензитивност на забите храната да се консумира на собна температура.

Да се внесува повеќе крцкава храна за да се зголеми чистењето. Цврстата т.е. крцкава храна делува како четка и многу помага во чистењето на забите.

Да се дише преку нос. Ладниот воздух предизвикува болка, поради осетливоста на забите, затоа треба да се избегнува дишење преку уста.

Се забранува пушење во првите 2 до 3 дена по интервенција. Иако би советувал максимално да се стопира пушењето во овој период, сепак би направил исклучок во чест на страсните пушачи, за кои таква работа е незамислива. Во таков случај пушењето треба да се ограничи на 3 до 4 цигари на ден, после пушење исчеткајте ги забите или исплакнете ја устата со вода.

Во период од една до две недели по интервенцијата, употребувајте пасти кои помагаат во намалување на сензитивноста како на пример Colgate sensitive pro relief, Sensodyne и други.

Максимално да се избегнува консумирање на обоена храна и пијалоци типот на: црвено вино, кафе, темни чаеви, кола сокови, џусови, црн леб, овошја, сосови.

Споделете го Вашето Мислење

Поврзани Вести

Улцерозен колитис

Исхрна после орално-хируршка интервенција

Здрави навики за поквалитетен живот (10)

ЕКСКЛУЗИВНО: Лекување со храна (4)

Опседнатост - како интернетот влијае на здравјето

ЕКСКЛУЗИВНО: Лекување со храна (5)

Најлесен начин да се изгубат килограмите е да пиете многу ВОДА

Лекување со храна (2)

Витамини за здрави заби

Како да се замени зборот "ТРЕБА" со "ПОЧНАВ"

Флуорот како одбрана од кариес

Дали треба да се сменат црните (амалгамски), со бели пломби?

Колку калории содржат пијалоците кои секојдневно ги конзумираме?

Здрави навики за поквалитетен живот (3)

Сончање, неговите негативни дејства и фотозаштита

Какво влијание врз здравјето имаат микронутриентите?

Дали сте зависник од благо?

Розацеа (црвенило на кожата)

Здрави непца

Псоријаза

Зборувајте со вашите деца за сексот - еве каков треба да биде пристапот

Карцином на дојка и рана детекција - што е карцином на дојка?

ЕКСКЛУЗИВНО : Лекување со храна (6)

Здрави навики за поквалитетен живот (9)

Ангина пекторис

Прашања од читателите

Алкохол

Слушнете ја суровата реалност: НИКАКВИ ТАБЛЕТИ НЕМА ДА ВИ ПОМОГНАТ ДА ОСЛАБИТЕ

Чоколадото и оралното здравје

Здрави навики за поквалитетен живот (5)

НОВО - појадок според вашата крвна група

Да ги разбиеме табуата и стравот околу вакцините

Најкомплетна

Калориска Табела

NMD