Водата како подршка на слабеењето

- Здрави навики за поквалитетен живот (6)

by Петар Попоски

Нет Медикал Диетс во серија текстови на тема “Здрави навики за поквалитетен живот”, инспирирани од лично искуство на авторот, ќе се обиде да ве поттикне да размислите и самите да ја донесете одлуката на кој начин ќе ја почнете борбата со вашите килограми, не наседнувајќи на разноразните трикови со кои сте секојдневно бомбардирани.

Кога ќе се потсетам на мојот начин на исхрана порано, не можам, а да не помислам на моите заблуди околу пиењето течности. Не обрнував никакво внимание на тоа што јадам, но и што пијам. Газираните и зашеќерените сокови ми беа секојдневие. Воопшто не помислував на влијанието на водата врз човечкиот организам, па така под пиење вода ги подразбирав сите течности кои ги внесував!

Но, со одлуката за промени во исхраната, неминовно почнаа да ми се наметнуваат податоците за важноста на консумирање доволни количини вода.

На сите ни е добро познат податокот дека нашето тело содржи, во зависност дали сме маж или жена, од 50 до 60 проценти вода. Не некакви сокови, газирани или полни со шеќер, туку едноставно - вода!!

Кога барем малку ќе го разбереме значењето на водата, веднаш ќе почнеме да размислуваме за некои факти кои сме ги забележале , но не сме им давале значење. Имено, кога работиме некаква физичка активност, со првите знаци на умор, доаѓа и потребата да се напиеме вода.

Активностите, дури и обичното одење, секојдневните обврски, па дури и зборувањето, ги поттикнуваат нашите потни жлезди да ги исфрлаат течностите, кои мора да се надополнат.

Доколку одиме во лабараторија и направиме крвна анализа, ќе видиме дека минимум два до три параметри од нашиот наод, се на долна или горна граница или надвор од границите и ќе мораме да преземеме чекори да ги нормализираме или преку исхраната или преку медикаментозна терапија.

За да ни стане јасно дека ни недостасува вода во нашиот организам не треба да одиме на никакви испитувања, бидејќи ни е дадено таа потреба да ја почувствуваме на природен начин и во моментот да ја надополниме.

Но, помислете само колку пати сте го одложувале пиењето вода за сметка на некои други обврски и сте се доведувале до ситуација на дехидрација? Мене тоа често ми се случуваше. Дури и најмалото чувство дека сме жедни е знак за почеток на дехидрација!

Поради моите проблеми со бубрезите, односно создавањето на популарно наречените камења (кристали кои се создадени од соли и минерали), многу читав за улогата на водата во правилното функционирање на бубрезите.

И повторно нема да навлегувам во медицински анализи и тези, туку ќе ви пренесам како логично си ја објаснив оваа функција.

Има безброј примери, но јас си го претставив примерот со еден машински склоп, кој е создаден од цилиндар и клип. Доколку нема течност (масло) во склопот, ќе дојде до триење помеѓу металите, `рѓосување и зарибување. Претпоставувам дека така некако функционира и нашиот организам, а почнувањето со редовно консумирање на вода, во мојот случај ги потврди и моите лаички и официјалните медицински тези, поврзани со одржувањето на посакуваното ниво на вода во телото.

Верувајте дека кога ќе почнете да размислувате, ќе ви надојдат многу логични помисли, конкретно за водата и ќе ви биде криво што порано не сте помислиле на сето тоа. На пример, околу чистењето на телото. Нашиот биоритам е програмиран така што , наутро, по станувањето од спиење, почнува прочистувањето на организмот. Каде и да читате факти околу водата, ќе видите дека препораките се пиење вода во поголема количина, наутро.

Јас на многу места сретнав податоци дека водата наутро треба да биде млака, накај топла. Ми беше чудно ова и се запрашував зошто е тоа така и веднаш си направив компарација со миење на замрсени чинии или отстранување на нечистотијата од специфичните делови на автомобилот.

И во двата случаја треба да се употреби топла вода за полесно да се исчистат. Не дека не може со студена, може, но многу потешко. Истото е и со организмот.

Студената вода не само што потешко ќе ги отстрани нечистотиите од организмот, туку ако е премногу студена, од фрижидер, може да создаде и контра ефект, односно да ги стврдне маснотиите.

Знаеме што може да случи доколку дојде до згрутчувања и тука можеме да си дадеме одговор на прашањето, зошто оние кои се навикнати да пијат вода од фрижидер се најчесто и дебели. О ваа навика е најчесто популарна во Америка.

Исто така, ако досега сме се чуделе зошто Англичаните пијат постојано и лете и зиме чај, сега станува јасно и уште појасно зошто пијат чај после јадење? – Главниот оброк е најчесто топол. Тука ќе ви направам споредба со , да речеме варење тестенини во сад со вода.

Процесот на варење почнува кога водата ќе се загрее на одредена температура. Кога водата ќе зоврие и варењето е во тек, доколку ставиме ненадејно студена вода, се` ќе се стиши, варењето ке престане, се` дури садот на оган повторно не ја достигне посакуваната температура. Истото, веројатно, се случува и во нашите органи за варење!

Јас бев уште поекстремен пример. Имено, јас не седнував да ручам без чаша со вода до мене и после секој залак пиев по голтка или две, вода. Можете да замислите што се случува во тој момент во желудникот! Процесот на варење постојано тргнува и застанува…

Огромен процент од наталожувањето на мрсни наслаги во организмот, проблемите со варењето, дебелината и мачнината отпаѓа на неправилната консумација на водата. Заклучокот од сето ова верувам сам ви надоаѓа. Во текот на оброците, никако не смее да се консумира вода, особено не студена вода.

Доколку сме се` уште неодговорни спрема самите себе, тогаш треба да си направиме распоред по кој ќе се придржуваме, исто како кога одиме на работа и во тие осум часа работно време мора да се запазат некои норми и дисциплина.

Замислете, доколку вие се заборавите во вашето неисполнување на вашите работни обврски, ќе стигне предупредување од вашиот надреден. После неколку такви предупредувања, може да го загубите работното место.

Кога ни се пие вода, нашиот организам не` предупредува дека сме заборавиле на обврската и нашиот организам се движи кон дехидрација. Многу такви предупредувања можат да доведат и до сериозни заболувања. Но, доколку си поставиме цели и се трудиме да ги исполниме, во случајов за пиење вода, нашиот организам во тој поглед ќе биде заштитен, а за возврат ќе ни дава енергија и свежина.

Еве како би требало да изгледа еден дневен распоред за внес на вода:

1. Наутро, по станување од спиење, првото нешто што треба да се направи е пиење на ДВЕ ЧАШИ (околу петстотини милилитри) млака, скоро топла вода. Првите денови ќе ви биде тешко, но верувајте, за кратко време ќе се навикнете и ќе ви стане рутина.

2. Немојте да чекате да ожедните, туку водата консумирајте ја постојано.

3. Едно оптимално ниво би било на секој час по една чаша вода. Доколку се занимавате со потешка физичка активност или доколку вежбате, секако, количината треба да се зголеми.

4. Секако, не го заборавајте златното правило, после оброк минимум половина до еден час немојте да пиете вода, после главниот оброк и до два часа. Така им помагате на органите за варење поефикасно да си ја завршат работата, а вие пропуштените количини на вода надокнадете ги веќе во следниот час.

Во мојот случај, водата одигра огромна улога во справувањето со килограмите, ми даде свежина и енергија, но и ми помогна во ублажувањето на некои здравствени проблеми, за кои дотогаш не знаев дека се тесно поврзани со недоволното консумирање течности.

(продолжува)

Споделете го Вашето Мислење

Поврзани Вести

Да ги разбиеме табуата и стравот околу вакцините

Сончање, неговите негативни дејства и фотозаштита

Улцерозен колитис

Дали сте зависник од благо?

Розацеа (црвенило на кожата)

Колку е здрава сировата храна?

ЕКСКЛУЗИВНО: Лекување со храна (4)

ЕКСКЛУЗИВНО: Лекување со храна (5)

Блескава насмевка

Дали навистина заштедуваме при изборот на поевтини намирници?

Појадок - главниот оброк во текот на денот

Здрави навики за поквалитетен живот (3)

Исхраната и здравјето

Витамини за здрави заби

Слушнете ја суровата реалност: НИКАКВИ ТАБЛЕТИ НЕМА ДА ВИ ПОМОГНАТ ДА ОСЛАБИТЕ

Алкохол

Лекување со храна

Какво влијание врз здравјето имаат микронутриентите?

Опседнатост - како интернетот влијае на здравјето

Флуорот како одбрана од кариес

Како ги решаваме проблемите - дали постои решение за секој проблем?

Панични напади - што е важно да знаете доколку имате напад на паника

Колку калории содржат пијалоците кои секојдневно ги конзумираме?

Заштита на бебињата и децата од сончевите зраци

Како да се замени зборот "ТРЕБА" со "ПОЧНАВ"

Лекување со храна (2)

ЕКСКЛУЗИВНО : Лекување со храна (6)

Здрави непца

Сколиоза - странично искривување на грбот - симптоми и лекување

Зачувајте ја блескавата насмевка

Прирачник за слабеење - почетокот е најтежок

Најкомплетна

Калориска Табела

NMD