Здрави навики за поквалитетен живот (5)

Дел 5 - како да се остават или намалат цигарите

by Петар Попоски

Нет Медикал Диетс во серија текстови на тема “Здрави навики за поквалитетен живот”, инспирирани од лично искуство на авторот, ќе се обиде да ве поттикне да размислите и самите да ја донесете одлуката на кој начин ќе ја почнете борбата со вашите килограми, не наседнувајќи на разноразните трикови со кои сте секојдневно бомбардирани.

Во овој период и од оваа дистанца од почетокот на вашиот нов начин на исхрана, односно, „вртењето на нов лист“ во вашиот живот, конечно ќе почнете да ги чувствувате и придобивките од вистинската одлука.

Имено, не само што ќе забележите драстичен пад на вашите килограми, туку ќе почувтсвувате и подобрување на вашето здравје и почетно задоволство од самите себе.

Ако се знае дека нормалната вредност на крвниот притисок е 120 /80 mm Hg (милиметри живин столб), тогаш треба да се знае и дека нормалното ниво на срцеви отчукувања (пулс) во минута, треба да биде од 70 до 85.

Обично, оние што имаат зголемен крвен притисок, имаат и покачен пулс. Па така, доколку пулсот во минатото ви беше константно помеѓу 90 и 110 отчукувања во минута, веќе сега, со намалувањето на солта во исхраната и намалувањето на килограмите, ќе ви падне минимум за околу 15 до 20 отчукувања, односно ќе се движи околу 85-90, со тенденција за комплетна нормализација.

Друг важен фактор во насока на нормализирање на пулсот е физичката активност и можеби најважен се цигарите. На физичката активност ќе се задржиме понатаму, а сега, во контекст на регулирање на отчукувањата на срцето, ќе се обидам да ви дадам некои насоки по кои јас се движев, во намалувањето на пушењето.

Ако се поведеме по инстинктите, за јадење и особено за пиење вода, ќе ни стане јасно дека некои работи во животот ги правиме непотребно. Пиете вода кога сте жедни и кога ќе ја угасите жедта немате потреба од вода. Тогаш, само помислете на фактот колкава тешкотија ви претставува пиењето вода со сила, односно пиењето вода по сугестија на вашиот лекар или нутриционист, кога ќе се каже дека треба да се испијат на пример три литри вода во текот на денот. Да не се разбереме погрешно, водата ја земам само како пример, кога консумираме нешто бидејќи “така треба” . Инаку, за количините вода кои треба да се исконсумираат во текот на денот ќе ви зборувам и јас понатаму.

Е сега, зошто ова со водата да не го примениме и со храната и со тутунот. Односно, да јадеме кога навистина ќе имаме потреба за храна и да се запали цигара, ако веќе мора, (најдобро би било цигарите засекогаш да се остават), кога ќе се осети голема желба. Ова е еден многу добар трик за комплетно оставање на цигарите или во почетокот за нивно драстично намалување.

Доколку пушите едно пакло цигари на ден, пробајте еден ден, не да ги оставите одеднаш, (бидејќи јас ви ветив дека нема на ништо да ве присилувам, туку секој да размисли и да постапи онака како телото и совеста ќе му речат) туку да палите цигара кога ќе осетите голема потреба за тоа.

И секогаш кога ќе се фатите дека сте запалиле во момент во кој и не сте имале преголема потреба, прекорете се и обидете се следната да биде баш во тоа време. Во почетокот ќе ви биде чудно и инстинктивно ќе станувате и ќе посегнувате по цигарите, но крајниот ефект ќе биде одличен. Веќе по неколку дена, од едно пакло, вие нема да пушите повеќе од седум до осум цигари на ден. Што е секако голем напредок!

Во однос на цигарите, немојте да имате никакви заблуди дека, доколку ги оставите или намалите, ќе ви се покачат килограмите. Тоа се бесмислени тези и тоа зависи пред сè од умот! Впрочем, вие во овој период сте во фаза на комплетна промена на начинот на исхрана и начинот на живот за подобро здравје и цигарите врз вас нема да имаат никакво влијание, бидејќи вашиот ум ќе ги стави во контекст на веќе почнатата борба, така што, според мене, ова е добар период дури и сосема да се остават! Само со намалување на цигарите, пулсот, односно бројот на срцевите отчукувања во минута, ќе ви се намали уште за 5 до 10 и ќе се доближи до нормалните вредности.

Со отпочнувањето на физичките активности и комплетно ќе се нормализира. Но, за тоа, потоа.

(продолжува)

Споделете го Вашето Мислење

Поврзани Вести

Како ги решаваме проблемите - дали постои решение за секој проблем?

Какво влијание врз здравјето имаат микронутриентите?

Семето ЧИА и неговите можни несакани дејства!

Ангина пекторис

Здрави навики за поквалитетен живот (9)

Дали сте зависник од благо?

Дали треба да се сменат црните (амалгамски), со бели пломби?

Зборувајте со вашите деца за сексот - еве каков треба да биде пристапот

Здрави навики за поквалитетен живот (13)

Зачувајте ја блескавата насмевка

Алкохол

Почнете да правите разлика помеѓу “здрава” храна и органска здрава храна

Витамини за здрави заби

Здрави навики за поквалитетен живот (10)

Есенцијален тремор

Улцерозен колитис

Розацеа (црвенило на кожата)

Прашања од читателите

Исхраната и здравјето

Исхраната и здравјето (3)

ЕКСКЛУЗИВНО: Лекување со храна (4)

Болести на крвните садови

Панични напади - што е важно да знаете доколку имате напад на паника

Карцином на дојка и рана детекција - што е карцином на дојка?

Десет совети за родителите како подобро да комуницираат со адолесцентите

Влијанието на лимоновиот сок на забите

Блескава насмевка

Колку калории содржат пијалоците кои секојдневно ги конзумираме?