Здрави навики за поквалитетен живот (3)

Дел 3

by Петар Попоски

Нет Медикал Диетс во серија текстови на тема “Здрави навики за поквалитетен живот”, инспирирани од лично искуство на авторот, ќе се обиде да ве поттикне да размислите и самите да ја донесете одлуката на кој начин ќе ја почнете борбата со вашите килограми, не наседнувајќи на разноразните трикови со кои сте секојдневно бомбардирани.

Кога ќе се навратам наназад во годините и кога ќе помислам што ме поттикна да го сменам начинот на исхраната се срамам. Имено, јас бев еден од оние кои постојано со години велат : Од “понеделник” сум на диета.

Готово, “морам” нешто да превземам. Ама не од денес (пример четврток), туку од понеделник…

Колку ли само понеделници поминаа, а килограмите не само што не се намалуваа, туку напротив се наголемија. Не дека немаше некакви обиди. Имаше, навистина некој понеделник почнував со некаква си “диета”, од оние смешните со јадење макарони, или јади по 3 јајца на ден за да ослабнеш, па диета на ОН, патем кај се чуло и видело Организацијата на Обединети Нации да прави диети…

Нејсе, тоа беа низа неуспешни обиди, обиди со неизграден став, без цврста волја, без претходно поставени цели и насоки.

Но најмногу се срамам што мораше да се исплашам за моето здравје, па да превземам нешто. Имено, од организацијата каде што работев бевме испратени на систематски преглед и притоа ми дијагностицираа зголемени вредности на ензими во црниот дроб, односно замастен црн дроб. При консултација со мојот лекар, ми беше објаснето дека постојат два вида на замастен црн дроб, алкохолен и неалкохолен, едниот го добиваат алкохоличари, а бидејќи јас не бев тоа, остана втората варијанта која се добива од неконтролирана и нездрава исхрана!

Во случаи кога нема да се обрне внимание на црниот дроб и нема да се промени начинот на исхрана, настапува тешкото заболување, цироза на јетра, па и смрт.

Сега веќе сериозно размислував за промена на мојата исхрана и се преколнував себеси зошто мораше ова да ми се случи за да ја донесам оваа одлука, односно зошто порано, дури бев здрав не повнимавав на исхраната.

Секако, ми стана јасно дека со оваа тежина и додека бев здрав, всушност сум бил темпирана бомба, односно неможе организам со прекумерни килограми да остане здрав.

Среќа во несреќа што во овој момент ја донесов вистинската одлука. И покрај тоа што добивав предлози за разноразните “ефикасни” диети, седнав и размислив. Што ако тргнам по умот на оние “посериозните” нутриционисти , секој од нив има различен метод и препорачува одредена исхрана која се заснова најчесто на еднолични производи. Некој преферира зеленчук, па од седум дена во неделата ќе ти рече шест дена да јадеш манџи од зеленчук, а седмиот да пиеш само вода, или на оној што му е фаворит овошјето, ќе ти го препише по два до три килограми на ден…

Да не се разбереме погрешно, немам ништо против зеленчукот, уште помалку против овошјето, напротив, но тогаш моето лаичко размислување велеше дека се што е претерано не е добро. Секако, поучен од претходните навики за претерано јадење се и сешто.

Кога седнав со калориската табела пред мене, се запрепастив кога видов колку малку калории има во зеленчукот, но истовремено размислував вака: Колку време може да се издржи со јадење само зеленчук и овошје, со мали, скоро никакви количини на месо, риба, млечни производи?

Две, три, пет недели, можеби месец, можеби и два. И нема сомнение дека ќе се ослабне. Со толку мал внес на калории килограмите ќе почнат вртоглаво да паѓаат, НО, што после тоа? Што после тој месец или два, кога ослабнати ќе и се вратиме на поранешната исхрана?

(продолжува)

Споделете го Вашето Мислење

Поврзани Вести

Колку е здрава сировата храна?

Кои се компликациите од заболување од Морбили?

Карцином на дојка и рана детекција - што е карцином на дојка?

Зборувајте со вашите деца за сексот - еве каков треба да биде пристапот

Блескава насмевка

ЕКСКЛУЗИВНО : Лекување со храна (3)

ЕКСКЛУЗИВНО: Лекување со храна (5)

Семето ЧИА и неговите можни несакани дејства!

Заблудите околу внесот на витамини и минерали

Почнете да правите разлика помеѓу “здрава” храна и органска здрава храна

Ангина пекторис

Какво влијание врз здравјето имаат микронутриентите?

ЕКСКЛУЗИВНО: Лекување со храна (4)

Појадок - главниот оброк во текот на денот

Псоријаза

Исхраната и здравјето (2)

Водата како подршка на слабеењето

Како ги решаваме проблемите - дали постои решение за секој проблем?

Исхраната и здравјето

Слушнете ја суровата реалност: НИКАКВИ ТАБЛЕТИ НЕМА ДА ВИ ПОМОГНАТ ДА ОСЛАБИТЕ

Флуорот како одбрана од кариес

Исхраната и здравјето (3)

Болести на крвните садови

Како да се замени зборот "ТРЕБА" со "ПОЧНАВ"

Десет совети за родителите како подобро да комуницираат со адолесцентите

Здрави навики за поквалитетен живот (5)

Исхраната и здравјето (4)

Прашања од читателите

Алкохол

Физичка активност - важна коцка во мозаикот наречен здрав начин на живот

Здрави навики за поквалитетен живот (1)

Најкомплетна

Калориска Табела

NMD