Исхрна после орално-хируршка интервенција

- која храна да се консумира

by Д-р Стефан Анастасовски

После секоја орално-хируршка интервенција, во периодот на зараснувањето на раната, потребни се одредени промени во видот и начинот на исхрана. Самата рана како и конците со кои е сошиена и затворена раната, постоперативниот оток, неможноста за нормално отворање на устата се фактори кои несомнено доведуваат до промена во начинот на кој што се храниме. После интервенцијата вашиот стоматолог односно орален хирург ќе ви даде неколку совети околу начинот на исхрана во периодот на закрепнување. Според тие совети Вие треба да си ја испланирате вашата дневна нутриција.

· Како прво не смеете да јадете цврста храна, треба да се ориентирате кон што помека исхрана. Затоа би советувал дека секаков вид на шејкови прават чуда во овој период.

· Второ, не смеете да конзумирате жешка храна и пијалоци. Се советува храната да биде млака накај ладна.

· Алкохолот со неговото дејство го компромитира зараснувањето на раната поради тоа треба максимално да се избегнува во периодот на зараснување.

· Во првите 24 часа од интервенцијата не смеете да ја плакнете устата односно раната. Потоа користете чај од камилица или жалфија кои делуваат одлично.

· Во првите неколку дена од закрепнувањето ќе имате оток и потешкотии во движење на долната вилица со тоа и потешкотии во отворањето на устата. Со самата неможност за отворање на устата не ќе можете правилно и целосно да ги исчеткате забите и да одржувате хигиена. Затоа избегнувајте јаткасти плодови или ситно-зрнеста храна која лесно може да навлезе помеѓу забите, а без темелно чистење тешко се отстранува.

Начинот и видот на исхрана во периодот на закрепнување, како што напоменав погоре, се несомнено ограничени. Меѓутоа тоа не смее да значи дека треба да го намалиме квантитетот и квалитетот на исхрана. Постојат разни видови хранливи продукти како и комбинација од истите што може да ни обезбедат правилен нутрициски баланс во текот на денот.

Овошје. Конзумирајте овошје од различен вид и зголемете го внесот на витамини. Поради потребата од мека исхрана пире од банани, круши или праски со млеко како шејк би била идеална комбинација. Можеби ќе ви звучи смешно или чудно, но бебешките храни на овошна база се исто така добар извор потребните витамини и хранливи продукти. Исто така, важно е да се избегнува конзумирање на кисело овошје како портокали, лимони, ананас и други.

Зеленчук. Исто така извор на витамини значајни за зараснувањето на раната. Домати во вид на пире или сос во раната фаза на закрепнувањето се одлични поради меката конзистенција. Блендирани мешункасти плодови како грав, боранија, грашок се исто така добри.

Супа. Секаков вид на супи се одличен избор. Кокошкина, супа од броколи, печурки и други може лесно да се конзумираат за време на закрепнувањето и имаат добра хранлива вредност. Може да се додадат кнедли или парчиња леб и да се зголеми хранливоста. Важно е да се внимава супата да не се конзумира жешка, млака накај ладна.

Млечни производи. Млеко, јогурт, кисело млеко, блендирано сирење се значајен извор на калциум во периодот на зараснување на раната кога треба да се создаде ново коскено ткиво.

Споделете го Вашето Мислење

Поврзани Вести

Здрави навики за поквалитетен живот (5)

Лекување со храна (2)

Есенцијален тремор

Здрави навики за поквалитетен живот (9)

ЕКСКЛУЗИВНО : Лекување со храна (3)

Почнете да правите разлика помеѓу “здрава” храна и органска здрава храна

Колку е здрава сировата храна?

НОВО - појадок според вашата крвна група

Кламидија - инфекции кај жени и мажи

Здрави навики за поквалитетен живот (10)

Какво влијание врз здравјето имаат микронутриентите?

Исхраната и здравјето (3)

Заблудите околу внесот на витамини и минерали

Чоколадото и оралното здравје

Прирачник за слабеење - почетокот е најтежок

Колку калории содржат пијалоците кои секојдневно ги конзумираме?

Како да се замени зборот "ТРЕБА" со "ПОЧНАВ"

Заштита на бебињата и децата од сончевите зраци

Лекување со храна

Исхраната и здравјето

Прашања од читателите

Карцином на дојка и рана детекција - што е карцином на дојка?

Како ги решаваме проблемите - дали постои решение за секој проблем?

Да ги разбиеме табуата и стравот околу вакцините

Псоријаза

Зачувајте ја блескавата насмевка

Колку вода би требало да пиеме во текот на еден ден

Дали навистина заштедуваме при изборот на поевтини намирници?

Здрави непца

Дали треба да се сменат црните (амалгамски), со бели пломби?

Опседнатост - како интернетот влијае на здравјето

Најкомплетна

Калориска Табела

NMD