Здрави навики за поквалитетен живот (1)

Дел 1

by Петар Попоски

Нет Медикал Диетс во серија текстови на тема “Здрави навики за поквалитетен живот”, ќе се обиде да ве поттикне да размислите и самите да ја донесете одлуката на кој начин ќе ја почнете борбата со вашите килограми, не наседнувајќи на разноразните трикови со кои сте секојдневно бомбардирани.

Кога се зборува за вечната тема, диетите, треба да се отворат очите и добро да се размисли, бидејќи лошиот краен резултат може да биде навистина разочарувачки.

Најлесниот начин, е нели, да се напиеш некаква таблета и да ослабнеш. Но која е таа волшебна таблета која може да ги потроши калориите или да ги стопи мрсните наслаги кои се наталожиле. Обрнете внимание на нивните реклами, тој некој на кого му платиле да каже дека ослабнал со пиење на некакви таблети вели:

- Ги исфрлив лебот, тестенините и благото, пиев од таблетите и ослабнав 3 килограми за 1 или 2 недели.

Одговорот на овој маркетиншки трик е многу едноставен. Секој од вас нека го направи истото, но без да пие било какви суплементи и резултатот ќе биде идентичен, односно сите ние знаеме дека намалувањето на јагленохидратите и шеќерот, а со тоа и калорискиот внес, несомнено ќе доведе до намалување на тежината.

Јас би ви предложил нешто уште полесно!

Намалете ја солта во секојдневната исхрана во период од само една недела за половина, но внимавајте и читајте ги декларациите на производите кои ги купувате, колку сол (натриум) содржат, бидејќи и без додавање на сол во храната таа веќе содржи огромни количини како би се продолжил рокот и во зависност од вашата тежина ќе ослабнете од 1-3 килограми за една недела, како резултат на исфрлањето на вишокот течности кои се задржале во телото.

Бенефит од намалувањето на солта ќе почувствувате не само со намалување на килограмите, туку и со намалувањето на крвниот притисок.

Добро е познато дека задржувањето на течностите во организмот , влијае на покачување на притисокот.

Еве да одиме и поконкретно. За почеток, ако 4 или 5 пати во неделата јадете сувомеснати производи, сега обидете се тоа да биде само 2 пати неделно, доколку сте љубител на сирење, во оваа недела тоа нека биде отстојано во обична вода, минимум 2 часа пред да се консумира, грицките заменете ги со непечени бадеми, семки или ореви и тоа во количина не поголема од 30 грама дневно.

Тука сега ќе застанеме, бидејќи за првата недела ова е доволно. Се надевам дека намалувањето на килограмите уште во првата недела, како резултат на намалувањето на солта и исфрлањето на течностите ќе ве поттикне и понатаму уште поинтензивно да размислувате за вашето здравје, а НМД е тука за да ви помогне во тоа.

(продолжува)

Споделете го Вашето Мислење

Поврзани Вести

Најлесен начин да се изгубат килограмите е да пиете многу ВОДА

Исхраната и здравјето (2)

Зборувајте со вашите деца за сексот - еве каков треба да биде пристапот

Колку вода би требало да пиеме во текот на еден ден

Семето ЧИА и неговите можни несакани дејства!

Заблудите околу внесот на витамини и минерали

Прирачник за слабеење - почетокот е најтежок

Како ги решаваме проблемите - дали постои решение за секој проблем?

Витамини за здрави заби

Заштита на бебињата и децата од сончевите зраци

Лекување со храна

Лекување со храна (2)

Опседнатост - како интернетот влијае на здравјето

Здрави непца

Панични напади - што е важно да знаете доколку имате напад на паника

Влијанието на лимоновиот сок на забите

Розацеа (црвенило на кожата)

Вечера, што да се јаде, кога и во која количина

Сколиоза - странично искривување на грбот - симптоми и лекување

Кои се компликациите од заболување од Морбили?

Слушнете ја суровата реалност: НИКАКВИ ТАБЛЕТИ НЕМА ДА ВИ ПОМОГНАТ ДА ОСЛАБИТЕ

Чоколадото и оралното здравје

Сончање, неговите негативни дејства и фотозаштита

Дали навистина заштедуваме при изборот на поевтини намирници?

Појадок - главниот оброк во текот на денот

Физичка активност - важна коцка во мозаикот наречен здрав начин на живот