ЕКСКЛУЗИВНО : Лекување со храна (3)

Дел 3

by Проф. Д-р Самуел Садикарио

Средниот век иако ние го сметаме за “темни времиња” претставува всушност интересна промена на гледање на нештата, што е под влијание на религиите, огромни искуства во соочување и борба со природата, бескраен низ на војни, интереси, соочувања со рационализмот, контемплативниот пристап, експериментот и алхемијата.

Ќе прашате, што има врска тоа со храната?

Има секаква врска. Храната е медијатор меѓу универзумот и телото. Можеби можел да се создаде свет кој сам би бил доволен за себе и организмот би ги “кружел” сопствените материи без губитоци. Но, тогаш би се изгубила врската со надворешноста, а со тоа и целината на универзумот. Лекувањето е всушност повраток во состојба на постоење во целината со севкупноста (универзумот). Според тоа, димензиите во кои живееме се: пред-постоење, постанување, постоење, пролиферација, анихилација (враќање на нов почеток) и смисол на сето тоа. Ете како тој тривијален чин (исхрана) го поврзува и очовечува светот. Средниот век е почеток на подемот во духот на таа универзална синтеза. Ако го гледаме светот изолирано од аспект на исхраната, средниот век е подем (вертикала) од земјата кон духот, а новиот век е транслација или хоризонтално поместување (истражување на варијабилни можности и масивна пролиферација). Средниот век е максимизација на емпиризмот, но и спиритизмот, а новиот век воведува систематски експеримент – ригорозност, рационална апсолутност, повторливост, но и научен догматизам.

Средниот век бил под влијанија на многу достигнувања – земјоделие, алхемија, комплексност, патувања, религии и се разбира, војните. Некои сознанија (особено за епидемиологијата и пренесувањето на болести) донеле чумата и лепрата, потоа и колерата. Лекување со ларви и пијавици сега се повратува во познати болници. Храната била многу разновидна, со сите тогашни влијанија и од други страни на светот. Постоела и класна поделба на видовите на исхрана. На пример, месо, дивеч, птици, млечни производи и колачи биле на трпезата на племството и богатите, додека жито, леб и некои зарзавати биле присутни повеќе или помалку кај селаните и сиромашните. Кај сите (посебно сиромашните) биле присутни хиповитаминозите (А, Б, Ц, Д). Смртноста кај децата била висока поради глад и нехигиена, а животот е продолжен неколкукратно со појавата на модерната медицина. Темпларите јаделе малку храна и вино, а некогаш морале да додаваат и пепел од претходно загинати Темплари. Војниците, општо, земале храна слична на селаните, но имале и право да ловат (диви свињи, елени, птици) или да имаат презервирана храна од богатите. Норманите јаделе млечна храна, зарзават, леб, овесна каша, понекогаш месо. Хуните јаделе млеко од кобила (хумис), крв и сирово месо.

Познатиот алхемичар Парацелзус велел “секоја храна и напиток, ако се зема преку одредената доза, е отров”. Алхемичарите, филозофите, свештениците и учените луѓе знаеле дека храната има влијание и тие ги користеле сознанијата за “елементите” и ги користеле системите на Хипократ и Гален за класификации на храните. Гален многу посветувал внимание на симетријата на својот систем, при што не успеал доволно да дознае за ефектите на разни храни, но тоа е продолжено во средниот век. На слика број 1 е прикажана октагонала од средниот век според елементите, а на слика бр. 2 хексагонала на поновите сознанија.

Сепак, некои центри денес повторно ги преиспитуваат сознанијата од средниот век, очекувајќи дека покрај хемиските дејства може да се откријат и класификации според квантно-физичките сознанија. Тоа сега се осознава во физичките својства на ДНК, нуклеотидите, ензимите, протеинските форми и нови микроорганизми, каде што исхраната има голем ефект.

ПРИМЕРИ за енергетски извори на неколку храни се следните:

ОГАН: босилек, месо, моркови, пилешко, чили, кардамом, цимет, какао, кафе, резене, ѓумбир, лук, праз, сенф, кромид, цитрон, месо (јагнешко, говедско, свинско), липа, пијалаци, црн џигер, јастог, манго, портокал, орегано, пиперка, бибер, ананас, рузмарин, сончоглед, мисирка, оцет и вино.

ВОЗДУХ: јаболко, кајсија, банана, артичок, грав, целер, манго, мајорам, маслинки, праска, круша, слива, цреши, сирење, пченка, датули, смокви, грозје, гуава, џем, портокал, магдонос, марула, мак, ванила и јогурт.

ВОДА: бамбус, авокадо, папаја, супи, пиво, брокула, камилица, кокос, путер, зелка, карфиол, краставица, патлиџан, марула, репка, еукалиптус, хибискус, кавијар, рак, риба, школки, јајца, мед, јасмин, јавор, маргарине, млеко, диња, зејтини, шеќер и вода.

ЗЕМЈА: луцерка, овес, јачмен, бадеми, лешници, ореви, бразилски орев, пекан, жито, овес, брашно, леб, колачи, паста, боровинки, дудинки, киви, женско билје (тасев билје), печурки, калинка, малина, јагоди, сусам, компир, благ компир, ориз и сол.

Интересно е да се констатира дека нус-појавите од исхраната – згоеност, интоксикации, артериосклероза, панкреатитис, прионски инфекции, вирусни инфекции, карциногенеза, ментални заболувања, повеќе се својство на модерниот свет. Сè повеќе се констатира дека брзата храна, пржениците, форсирањето на соја-мајонез оброци, дехидрирана храна и солена храна може да се причина за дефицитни, пролиферативни, дегенеративни, малигни и психогени состојби. Исто така се потенцира потенцијалното депресивно дејство на процесираната и солената храна, потоа канцерогеноста на црвеното месо, потоа влијанијата на конзервансите и боите за храна и најсетне исхраната на домашните животни. Генетски модифицираната храна се тврди дека е безбедна, но треба време да се види дали има долготрајни дејства кои ги нема природната храна.

(продолжува)

Споделете го Вашето Мислење

Поврзани Вести

Здрави навики за поквалитетен живот (9)

Исхраната и здравјето

Сколиоза - странично искривување на грбот - симптоми и лекување

Здрави навики за поквалитетен живот (10)

Кламидија - инфекции кај жени и мажи

Слушнете ја суровата реалност: НИКАКВИ ТАБЛЕТИ НЕМА ДА ВИ ПОМОГНАТ ДА ОСЛАБИТЕ

Псоријаза

ЕКСКЛУЗИВНО: Лекување со храна (5)

Исхрна после орално-хируршка интервенција

Почнете да правите разлика помеѓу “здрава” храна и органска здрава храна

Флуорот како одбрана од кариес

Сончање, неговите негативни дејства и фотозаштита

Како ги решаваме проблемите - дали постои решение за секој проблем?

Опседнатост - како интернетот влијае на здравјето

Дали навистина заштедуваме при изборот на поевтини намирници?

Витамини за здрави заби

Есенцијален тремор

Појадок - главниот оброк во текот на денот

Здрави навики за поквалитетен живот (1)

Улцерозен колитис

Заштита на бебињата и децата од сончевите зраци

Зачувајте ја блескавата насмевка

Дали сте зависник од благо?

Здрави навики за поквалитетен живот (5)

Алкохол

Лекување со храна (2)

Влијанието на лимоновиот сок на забите

Блескава насмевка

Исхраната и здравјето (2)

Лекување со храна

Зборувајте со вашите деца за сексот - еве каков треба да биде пристапот

Најкомплетна

Калориска Табела

NMD