Лекување со храна

Од антички времиња до иднината

by Проф. Д-р Самуел Садикарио

ПРВ ДЕЛ

Сите елементи во природата поседуваат свои специфични квалитети. Човекот најчесто е блокиран со своето не-знаење или предрасуди во нивното користење, а тие му користат за добросостојба, здравје, веселост, продуктивност, комуникација или агреација, или пак уште пофундаментално – за негово постоење. Само човекот се осмелил да приоѓа свесно кон храната и преку размислување да ги сознава тајните на нејзините дејства. Отсекогаш било познато дека храната може да е штетна ако е во дефицит, суфицит, или со “нехармоничен” квалитет. Цивилизацијата овозможува рационално поврзување со храната, но со тоа и своевидно ментално робување и интимно оддалечување. Колку е цивилизацијата понапредна и покомплексна, толку храната станува непријател. Сепак, во последно време, телекомуникациите овозможуваат, дури и форсираат стари традиции на лекување со исхрана (посебно од Азиските подрачја), пружајќи низа корисни рецепти.

Ако можеме да ѝ веруваме на науката, а засега друго и не можеме, околу 2 милиони години човекот бил директен дел од природата. Храната била природна и лек, без никаква артефициелност или било каква модификација. Промена настанала околу 10.000 г. ПНЕ во т.н. неолитска агрикултурна револуција. Животот станал седентарен, фиксиран за едно место, што значи зголемување на населението, потоа, формирање на села а потоа и градови, што повлекувало и дистрибуција на трудот, дистрибуција на моќта и влијанијата, а подоцна и материјални разлики меѓу луѓето. Тоа значи храна треба да се произведува – прво со агрикултура, потоа со доместикација на животни, па создавање на вишок на храна за да се отуѓи односно дистрибуира на целото население, а за надомест да оствари некоја гаранција или пари.

Прва комплетна позната цивилизација е Сумерската цивилизација во Месопотамија (6000 год ПНЕ), на која се надоврзала Акадската со освојувањата на кралот Саргон. Чудно, но првиот град бил во Канан (Палестина) – Јерихон (8-10.000 ПНЕ), но немаме текстуален запис од таму. Една од причините за тоа е водата која била присутна во огромни количини на тој терен од реките Тигар и Еуфрат, па од поплава произлегува жито и природна храна за тревопасни животни. Интересно е дека храната била скоро идентична со онаа денес во Европа, ако го исклучиме компирот и оризот. Па ете и тогаш луѓето живееле и се лекувале, а ако математичките записи се точни, животот траел долго. Месопотамците (вклучително стариот и новиот Вавилон) најмногу сакале јачменов леб и пиво. Енхедуана, ќерката на Саргон била вистински мајстор за правење пиво и приредувала ритуални сеанси на консумирање пиво. Зошто пиво? Па некои научници сугерираат дека тоа е античка “дезинфекција” во прилики на масивни поплави, кога не знаеле за бактерии и други микроорганизми. Акадците и Египќаните имале ритуализам од “свети бракови” или “свети проститутки” при што богати жени со “посебна моќ” да комуницираат со духови и со антички богови (на пример Хатор, Бес, Инана) приредувале ритуални форми на исцелување во специјални храмови, со храна и хербални препарати или течности. Мотивацијата била спиритуална, а не материјална, во чест на боговите исцелители Мардук, Набу и Гула. Лечењето на бговите се поврзувало со магија, вода и регенерација. Ритуалноста и езотеријата не се симплексистични манипулации. Во времето на Новиот Вавилон тие се изведувале и од неискусни лица, па сето тоа ја изгубило смислата. Неадекватни магиски манипулации со храната може да имаат две потенцијални опасности – болест (лудило) и смрт. Тоа го воочиле старите народи и затоа во Јудео-Христијанството тие биле потполно забранети. Но, човекот временски доаѓа секогаш до нови сознанија. Ние сметаме дека исхраната е механика на три процеси: глад-внесување-ситост. Ако така се сфати, тогаш човекот се редуцира во животно. Разликата меѓу животното и човекот е во тоа што животното е суштество на моментот - живее во овој момент со проблемот глад, ловење, пасење и толку. Нема мисловен проблем со тоа што било вчера или што ќе биде утре. За разлика од тоа, човекот размислува временски и за вчера и за историјата и за утре. Храната има и сублиминално дејство. Ако сте гледале филм каде е прикажана богата трпеза, ќе имате подруга импресија за филмот, иако за тоа не сте свесни. Сликарите не залудно вметнуваат “мртва природа” и вода.

Храната на Месопотамиските народи се состоела од јачмен, просо, дива пченица (емер), леблебија, кромид, лук, краставици, ф’стaци (пистациос), датули, риби, месо – јагнешко, говедско, свинско, козјо, птици – кокошки, гуски, патки, потоа желки и инсекти, потоа млеко – кравјо, козјо, правеле сирење и путер, ги (ghee), потоа други видови жито, грав, потоа грозје, смокви, јаболки, круши, боб и дињи. Ова е важно заради можности во лекувањето и превенцијата. Вода во Месопотамија пиеле од јазови, а во Египет од базени од реката или пак оази – за разлика од Канан или Кипар каде имало бунари. Свинското месо се споменуваат до 2400 година ПНЕ, а потоа е “табу”. Денес можеби имаме објаснувања за штетноста од животински маснотии во врска со кардиоваскуларните болести, панкреатит или паразити (пантличара, трихиноза), но сите објаснувања за античките сознанија се спекулации.

Во Египет имале “Кемет” (црна земја) од реките која специјално ја обожувале. Најмногу јаделе леб од дива пченица (емер), потоа еднозрнена пченица и пир (спелта) и биле мајстори за тоа. Многу сакале пиво и верувале дека тоа ќе ги однесе во друг свет. Во однос на месните и млечните производи биле слични на Месопотамците, а веројатно и учеле едни од други. Најмногу јаделе овчо или јагнешко, а потоа, говедско месо и газели. Свинското било исклучено како кај другите Библиски народи. Секојдневно јаделе риби од реката Нил. Имале многу грозје и вино, а и најразлични зарзавати како споменатите горе. Интересно е дека сирење или не правеле или нема записи за тоа. Јогуртот постоел од најстари времиња и се користел како магична лековита храна. Зелката потекнува од Европа и е пренесена во Египет и Месопотамија дури во средниот век. Антички богови на медицината и лекувањето биле Имхотеп, Изис, Секмер и Хека.

Споделете го Вашето Мислење

Поврзани Вести

Колку калории содржат пијалоците кои секојдневно ги конзумираме?

Здрави навики за поквалитетен живот (3)

Исхраната и здравјето (3)

Исхраната и здравјето (4)

Какво влијание врз здравјето имаат микронутриентите?

Кои се компликациите од заболување од Морбили?

Десет совети за родителите како подобро да комуницираат со адолесцентите

ЕКСКЛУЗИВНО: Лекување со храна (4)

Ангина пекторис

Вечера, што да се јаде, кога и во која количина

Здрави непца

Дали треба да се сменат црните (амалгамски), со бели пломби?

Колку вода би требало да пиеме во текот на еден ден

Сколиоза - странично искривување на грбот - симптоми и лекување

Колку е здрава сировата храна?

Флуорот како одбрана од кариес

Витамини за здрави заби

Дали сте зависник од благо?

Здрави навики за поквалитетен живот (10)

Прашања од читателите

Здрави навики за поквалитетен живот (5)

Зборувајте со вашите деца за сексот - еве каков треба да биде пристапот

Заштита на бебињата и децата од сончевите зраци

Болести на крвните садови

ЕКСКЛУЗИВНО : Лекување со храна (6)

Панични напади - што е важно да знаете доколку имате напад на паника