Какво влијание врз здравјето имаат микронутриентите?

- Недостигот дури и на мали количини микронутриенти буквално гарантира болест. Што се микронутриенти?

by Проф. Д-р Драган Даниловски

МИКРОНУТРИЕНТИТЕ ИМААТ ГОЛЕМО ВЛИЈАНИЕ ВРЗ ЗДРАВЈЕТО

ХРАНА ЗА ЈАКНЕЊЕ НА ИМУНОЛОШКИОТ СИСТЕМ И ЗГОЛЕМУВАЊЕ НА ВНЕСОТ НА ВИТАМИНИ И МИНЕРАЛИ

За одржување на мозокот, мускулите, коските, нервите, кожата, крвната циркулација и имунолошкиот систем, вашето тело има потреба од редовно снабдување со бројни разновидни сирови материи – макронутриенти и микронутриенти.

Потребни ви се големи количини на макронутриенти – протеини, масти и јаглени хидрати. И додека се потребни само мал број микронутриенти - витамини и минерали - недостигот дури и на овие мали количини буквално гарантира болест.

ВАЖНОСТА НА МИКРОНУТРИЕНТИТЕ

Речиси 30 витамини и минерали кои нашето тело само не може да ги произведува во доволни количини се нарекуваат „есенцијални микронутриенти“. Британските морнари научиле, пред векови, дека живеењето со месеци без свежо овошје и зеленчук – главните извори на витамин Ц – предизвикува крварење од непцата и млитавост заради скорбут, болест која често завршувала со смртен исход.

Дури и денес во многу земји со ниски приходи, луѓето често страдаат од разни болести на дефицит на хранливи состојки.

Вистински дефицити на витамини и минерали – во кои недостатокот на еден нутриент води директно до болест – се ретки во развиените земји. Сепак, јадењето помалку од оптимални количини на важните витамини, минерали и други состојки сè уште може да доведат до бројни сериозни заболувања, како што се срцеви заболувања, дијабетес тип 2, рак и остеопороза.

Оттука, загриженоста за „инсуфициентност“ - контроверзна тема - е главен двигател и на упатствата за исхрана во развиените земји и на масовниот маркетинг на суплементи.

ВНЕСУВАТЕ ЛИ ДОВОЛНО МИКРОНУТРИЕНТИ?

Како може да бидете сигурни дека ги задоволувате вашите потреби на хранливи материи? За жал, еден куп конфликтни студии доведоа до општа конфузија и премногу студии водат до нови маркетиншки тврдења, кои може да бидат или да не бидат поткрепени од страна на подоцнежни истражувања.

Всушност, најдобриот начин да добиете витамини и минерали е од добро заокружена исхрана, со многу овошје, зеленчук, мешункасти плодови, цели зрна и посни извори на протеини, заедно со здрави масти, како што се ореви и маслиново масло. „Идеално би било да се обидете да ги задоволите вашите потреби на витамини и минерали преку исхраната, наместо со суплементи," вели Dr. Howard D. Sesso, вонреден професор на медицина при Harvard Medical School и медицински уредник на Making Sense of Vitamins and Minerals: Choosing the foods and nutrients you need to stay healthy.

ИЗБОР НА ХРАНА ЗА ЈАКНЕЊЕ НА ИМУНОЛОШКИОТ СИСТЕМ

Шест микронутриенти – витамин Б₆, витамин Ц, витамин Е, магнезиум и цинк – играат улога во одржувањето на имунолошките функции и суплементите што ги содржат често се продаваат како засилувачи на имунитетот во дози, кои во голема мера ги надминуваат препорачаните дневни дози.

Сепак, не постојат докази дека користењето на тие суплементи носи повеќе полза, отколку само следењето на здрава исхрана.

Наместо голтање апчиња за добивање на овие микронутриенти, за зајакнување на имунолошкиот систем попаметно би било да се користи разнообразна храна.

ХРАНА ЗА ЗАЈАКНУВАЊЕ НА ИМУНОЛОШКИОТ СИСТЕМ Микронутриент Извори на храна

Витамин Б₆	Живина, цереалии, банани, посно свинско, компири со лушпа
Витамин Ц	Домати, цитрусно овошје, благи пиперки, брокула, киви
Витамин E	Сончогледово семе и масло, бадеми, шафраново масло, путер од кикирики
Магнезиум	Интегрално пченично брашно, легуминози, јаткасти плодови, семиња
Цинк	Остриги, говедска плешка, мисирка (темното месо)

Споделете го Вашето Мислење

Поврзани Вести

Исхрна после орално-хируршка интервенција

Флуорот како одбрана од кариес

Како да се замени зборот "ТРЕБА" со "ПОЧНАВ"

ЕКСКЛУЗИВНО: Лекување со храна (5)

Заштита на бебињата и децата од сончевите зраци

Прашања од читателите

Кои се компликациите од заболување од Морбили?

Прирачник за слабеење - почетокот е најтежок

Опседнатост - како интернетот влијае на здравјето

Здрави навики за поквалитетен живот (9)

Исхраната и здравјето

Колку калории содржат пијалоците кои секојдневно ги конзумираме?

Сончање, неговите негативни дејства и фотозаштита

Алкохол

Лекување со храна

Физичка активност - важна коцка во мозаикот наречен здрав начин на живот

Лекување со храна (2)

Кламидија - инфекции кај жени и мажи

ЕКСКЛУЗИВНО : Лекување со храна (3)

Влијанието на лимоновиот сок на забите

НОВО - појадок според вашата крвна група

Вечера, што да се јаде, кога и во која количина

Заблудите околу внесот на витамини и минерали

Болести на крвните садови

Здрави навики за поквалитетен живот (1)

Дали треба да се сменат црните (амалгамски), со бели пломби?

ЕКСКЛУЗИВНО : Лекување со храна (6)

Улцерозен колитис

Појадок - главниот оброк во текот на денот

Дали сте зависник од благо?

Здрави непца

Најлесен начин да се изгубат килограмите е да пиете многу ВОДА

Најкомплетна

Калориска Табела

NMD